Un ano máis celébranse as Xornadas a pesar da crise e do falecemento o pasado ano de Benito Losada, un dos principais impulsores do evento. Terán lugar entre o 2 e o 21 de outubro no Museo Municipal e na libraria El sindicato del Cómic e chegan á súa edición número 24. Na programación destaca unha exposición de orixinais de obras de novela gráfica galega editadas en 2011, por exemplo de David Rubín, José Domingo, Lola Lorente, Jacobo Fernández, Martín Romero, Miguel Cuba e Brais Rodríguez.
Tamén se entregará o 17 de outubro o Premio Ourense á mellor iniciativa do ano de banda deseñada, e créase o Premio Benito Losada de Banda Deseñada, para autores de menos de trinta anos. E teremos igualmente un novo número do fanzine da xornadas. De igual xeito poderanse ver as obras premiadas no certame Injuve 2011, con traballos de Pablo Roa, Pau Valls, Diego Blanco, Néstor Fernández, Ana Santiso, Jose Domingo, Irati Fernández e Wahab Zeghlache
