Quen dixo que non se fai bo rock en galego? Dende hai tres anos o festival Galegote Rock, organizado pola Concellaría de Normalización Lingüística do Concello de Pontevedra, serve como escaparate e plataforma de lanzamento para moitos artistas e bandas do país, renunindo na cidade durante unha fin de semana a algúns dos nomes máis destacados do panorama.
Vén de presentarse a edición 2014, que se celebrará os días 24, 25 e 26 de abril e que terá como escenario a Sala Karma. Banda do Terror, Machina, Transilvanians, Frenaso no Calsonsillo e Familia Caamagno serán as bandas protagonistas, e ademais haberá espazo para tres djs que amosarán a súa escolma da produción musical pop e rock en galego dos últimos anos.
Programación completa
Xoves 24, 22.00: Pequeno Karma. Entrada de balde.
Banda do Terror
DJ O Xabarín de Bora
Venres 25, 22.30: Sala Karma. 4 euros
Machina
Transilvanians
Fillo do Fiusa DJ
Sábado 26, 22.30: Sala Karma. 4 euros
Frenaso no Calsonsillo
Familia Caamagno
DJ Nano Vinilo
