Queres entrar pola cara no concerto de Heredeiros da Crus? Ao longo deste martes a banda repartirá de balde cinco entradas dobres que están agochadas nalgún lugar de Lugo, Ourense, Compostela, Vigo e A Coruña. Están metidas nun sobre e estratexicamente situadas nalgún lugar da cidade. Os fans máis rápidos e atentos poderán buscalas, atopalas e gozalas grazas a fotos e pistas que se irán publicando durante todo o día no Facebook de Heredeiros da Crus. O xogo comezará ao mediodía e durará até o final da xornada.
Os gañadores ou gañadoras aforrarán deste xeito os 25 euros que custa a entrada -con cd de agasallo- para o concerto que este venres 24 de maio a partir das 22 horas ofrecerá a banda na discoteca LP45 de Ordes. Nese momento presentarán en directo Jard Rock con Fe, o noveno disco da súa carreira. Até o venres (cando tamén se poderán mercar na billeteira de LP45), as entradas están dispoñibles a través da Airapro Tenda.
