A entrega dos galardóns coincidiu na mesma xornada cunha lembranza ao fundador dos Premios da Crítica, o editor Bieito Ledo, e a Crimen en Compostela, de Carlos G. Reigosa, primeiro gran éxito dos premios Xerais
O Parador de Baiona e o Auditorio Afundación de Vigo acolleron na mesma xornada deste sábado a entrega dos Premios Xerais e dos Premios da Crítica, respectivamente. No caso dos Premios da Crítica, que este ano chegaban á súa edición número 46, houbo unha homenaxe ao fundador da entidade, o editor Bieito Ledo. Pola súa banda, nos Premios Xerais, que celebraban a edición número 40, houbo unha lembranza a Crimen en Compostela, obra de Carlos G. Reigosa que supuxo o primeiro gran éxito dos galardóns. Estes foron os galardóns en cada certame:
Premios Xerais
- Premio Xerais de Novela: Ninguén contará a verdade, de Pedro Feijóo.
- Premio Jules Verne de Literatura Xuvenil: Furia, de María Reimóndez.
- Premio Merlín de Literatura Infantil: A botella de lentellas, de Leticia Barbadillo.
Premios da Crítica
- Creación Literaria: Os seres queridos, de Berta Dávila.
- Investigación: O libro negro da lingua galega, de Carlos Callón.
- Iniciativas Culturais e Científicas: Agrupación Astronómica Coruñesa
- Música: Tanxugueiras.
- Artes Plásticas: Teresa Táboas.
- Artes Escénicas: Teatro Ensalle.
- Cine e Artes Audiovisuais: Pepe Coira.
- Cultura Gastronómica: Estrelas no Camiño.
