Este sábado 26 estréase en Nigrán Verbum Fahrenheit, unha obra da compañía Limiar Teatro, creada en coprodución co Verbum Casa das Palabras e en colaboración con Ponte nas Ondas. A peza conta a historia da fuxida cara a terra dos homes libro de dous homes condeados por un mesmo delito, a lectura, e faino con textos de 100 autores da lusofonía.
A representación deste sábado terá lugar na Casa Colorída, o primeiro espazo creativo de Galicia asociado ás redes internacionais Fuera del Eje - Fora do Eixo, un marco de colaboración formado por salas e espazos independentes en todo o mundo, entre os que en España destaca Tabacalera de Madrid. Verbum Fahrenheit significará a inauguración desta sala para o teatro. Na súa xira Limiar teatro conta co patrocinio do Concello de As Pontes, lugar onde comezou a xira en 2013 e coa colaboración de Ponte nas Ondas.
Será a primeira parada dun intenso percorrido que durante un mes levará esta obra a través de 50 mil quilómetros, por salas de Portugal e Brasil. Así, Verbum Fahrenheit representarase en Sao Paulo, Belo Horizonte e Recife nos primeiros días de novembro. A partir do día 15 estará en Lisboa, e nos días seguintes poderase ver en Beja, Moura e Évora.