Unha ducia de couces ao galego
O colectivo compostelán A Gentalha do Pichel está en plenas votacións do seu concurso de feísmo lingüístico, que non se centra en detectar erros, "comúns en todas as linguas", senón na "hibridaçom, isto é, a mistura consciente ou inconsciente entre galego e castelhano que prejudica sobretodo aquela língua". Este certame sérvenos para repasar algúns couces que recibe a diario o idioma, mesmo con vontade de seren oficiais.
-
01
Rosalía en 'mayo'
No ano 2000 o Concello de Santiago homenaxeou a Rosalía cun esvarón lingüístico
-
02
Nin "ciudad" nin "cidade"
O Concello de Lalín púxolle nomes ás rúas, substituíndo as rúas por, nalgúns casos, evidente desleixo lingüístico.
-
03
'Evaluar' a dor
O Sergas anima os doentes a avaliar a súa dor cun cartaz híbrido.
-
04
Axuntando o Concello
Ao xeito dos anos nos que o galego foi volvendo ao espazo público, algúns concellos seguen a tocar de ouvido...
-
05
Un hospital sen camas
No Clínico de Santiago hai elevadores reservados para as camillas, pero non para padiolas ou camas.
-
06
Nuevagalicia Banco?
A entidade herdeira das antigas caixas apostou polo galego no seu nome, pero mantén a castelanización parcial do nome da rúa na que está a súa sede central.
-
07
Desenrolando e invertindo Europa
Nas Gándaras de Budiño, no Porriño, realizouse unha tradución un tanto pedestre no valado que anuncia a súa restauración
-
08
'Construcción' nunha 'calle'
A Deputación de Ourense inviste nunha obra en Verin que se desenvolve nunha calle e ten plazo de execución.
-
09
Unha vila que xa é 'mayor'
De novo en Lalín, o seu Concello deturpa o topónimo de Vilamaior, pero só un chisco.
-
10
Un certame con pouca previsión
O Concello de Lugo convocou un certame con pouca prevención, pero con letras e tiles de máis.
-
11
Unha feira moi ovina
Na Feira de Santos de Monterroso hai, cando menos, medio milleiro de ovellas pequeniñas.
-
12
Como animal de compaña
A cruzada polbeira do alcalde do Carballiño non entra no concurso, pero ben podería...