David Lombao

As forzas políticas reciben este venres o plan de cobertura elaborado pola CSAG para o 29N, cun só debate televisivo matinal e noutro na Radio Galega ás oito do serán. RTVE propón tres de ámbito estatal en horario de máxima audiencia. PP, PSdeG, Fronte Ampla e BNG elixirán as quendas de apertura e peche dos catro bloques temáticos dos debates e a súa situación no estudio por orde dos votos obtidos en 2023 e non por sorteo

Ulloa Viva, as plataformas contra a Mina de Touro e na Defensa da Ría de Arousa e mais Adega facilitan un "escrito modelo" para que "a cidadanía galega rexistre de forma masiva a mesma petición" de acceso ao contido do acordo asinado entre Impulsa Galicia e a empresa portuguesa. Coñecer o documento, alegan, ten "especial interese" mentres "o PP ameaza con recuperar o proxecto industrial en caso de que chegue a gobernar o Estado coa axuda de Vox"

CNS e Consellería de Presidencia acordan que o ente estatal asuma as funcións que leva exercendo a Administración galega dende que Fraga as asinou en 1990. O funcionario "cuxa idoneidade foi apreciada" en 1991 "causou xubilación" e "na actualidade, a Xunta non dispón doutro inspector/a que cumpra os requisitos". A suspensión manterase "mentres subsista a falta de medios persoais idóneos"

Nas comparecencias ante o Parlamento para presentaren os seus orzamentos de 2027 o presidente da Deputación da Coruña advirte duns municipios "asfixiados polos custos" e a presidenta da de Lugo "reta" o Goberno galego a "abrir o debate sobre o reparto dos fondos públicos" para "que non dependan de quen goberne noutra institución": "Non son favores, pertencen á cidadanía"

A centenaria feira monterrosina é, historicamente, un punto de interese político. Rueda, Pontón e Besteiro non faltaron este ano, no que a cita cadrou coa fin do loito oficial pola traxedia de Urda

Ordena a retirada da nota de prensa e require ao presidente da Xunta que "se absteña" de realizar actos coma ese durante o proceso electoral. "Non se limitou a informar con neutralidade sobre o funcionamento dun servizo público", aclara o organismo. 

"O doado sería saír, pero non vai co meu carácter e non é o que o presidente me pediu", sostén o titular de Transportes, para quen "achegar solucións" é "a forma de entender as responsabilidades". Mantén que os controladores tiveron marxe para deter o AVE ao que permitiran "marcha normal" dende que o Iryo informou, cinco minutos antes da colisión, de que non podía retomar a viaxe

Paula Prado, secretaria xeral dos populares galegos, cre que "non é o momento de depurar responsabilidades, xa chegará o momento". "Non imos tentar sacar rédito desta desgraza", agrega mentres pide "todos os medios" para a "investigación". O ex-presidente ve unha "frivolidade impropia" que Puente "bote a culpa a un operador de Atocha" tras advertir en Angrois que o "sentir maioritario da sociedade" apuntaba só ao maquinista e considerar de "sentido común" que fose o único condenado

Na circunscrición pontevedresa e noutras trece Vox presenta un só candidato no canto dos tres aos que ten dereito coa intención declarada de que o electorado da formación de extrema dereita seleccione outros dous nomes do PP

En catro das dez xerais nas que a provincia de Lugo repartiu catro escanos, tres foron para os populares. Os socialistas apelan a todo o electorado "que se sinta progresista" para volver ao 2-2 o 29 de novembro. Rueda e Candia chaman aos seus a "ter a maquinaria engraxada" para reeditar na provincia a súa ampla vitoria de 2023 nun evento ao que a tránsfuga Reigosa acudiu como parte da "familia" do partido. Besteiro advirte a "todo o mundo que queira parar á dereita e á ultradereita" de que en circunscricións como a de Lugo "a papeleta que serve é a do Partido Socialista" 

Case dúas décadas antes das montaxes con IA xenerativa que o equipo de Feijóo emprega como ferramenta electoral, a difusión dun inexistente accidente de tráfico ou dunha falsa agresión foran clave para desestabilizar o candidato do BNG nas eleccións galegas tras as que o PP retornou á Xunta

A Xunta Electoral de Zona abre proceso sancionador contra a actual alcaldesa lucense por contravir a lei cunha visita ás obras dun aparcadoiro e o comunicado oficial posterior, no que se gabou da súa xestión e atacou o goberno de PSdeG e BNG na cidade, tombado o pasado maio pola moción de censura do PP cunha edil tránsfuga . A XEZ coida que foi "contraria á debida neutralidade", ordena retirar a nota do web do Concello e insta a Candia a "absterse de levar a cabo actos similares" ata despois das xerais. O PSdeG local ve "confirmado" que "utiliza o Concello como unha extensión do PP