David Lombao

Política Social escudárase en que o Goberno de España prevía mudar a normativa polas riadas de València para bloquear o centro de maiores que proxectaba no lugar de Saíñas, preto da praia de Coroso. Anunciou o "desbloqueo" do proxecto trasladándoo a outro lugar cinco días despois da moción de censura que devolveu o PP á alcaldía

O alcalde lucense vive os últimos días no posto por mor da moción de censura do PP canda a concelleira tránsfuga María Reigosa, pero di estar "seguro" de que non serán os derradeiros porque tras as eleccións de 2027 "este goberno vai estar gobernando", xa que á veciñanza "non lle vale o argumento único de que a cidade está paralizada, porque é mentira" e "vai tomar boa nota" de que chegar á alcaldía "mediante tres mortes, cunha tránsfuga e faltando un ano para o remate do mandato cuns orzamentos aprobados por este goberno é absolutamente indigno".

PSdeG e BNG viron a Xefatura do Litoral de Lugo convocada 'á medida' da edil tránsfuga María Reigosa, que ao confirmar a moción de censura con Candia asegurou que non se presentaría malia ser "legal" facelo. Medio Ambiente non revela se a comisión de servizos xa foi adxudicada porque "prima a protección de datos referidos ás persoas participantes" e di que "cando haxa resolución, daráselle publicidade polos mesmos medios que se fixo o anuncio" malia que estas adxudicacións non son divulgadas

A última vez que a un goberno do PP lle correspondeu aprobar uns orzamentos no Concello de Lugo o proxecto contaba con algo máis de 8.300 millóns de pesetas. Tras sete maiorías de esquerdas a cidade experimentou notables transformacións, unhas produto do paso do tempo e outras, de decisións políticas. Ás pesetas, aos cartos, a unha compra política ou económica, aluden moitas das voces críticas coa operación do PP de Elena Candia coa tránsfuga María Reigosa para derrubar o goberno de PSdeG e BNG

Praza.gal obtén ao abeiro da Lei de Transparencia os datos completos dos focos de lume forestal rexistrados en Galicia o ano pasado, uns 1.500 incendios que inclúen os arredor de 1.300 dos que a Xunta non informou mentres sucedían. O que durante o verán foi abordado como un único incendio iniciado en Seadur (Larouco) de case 32.000 hectáreas, o maior documentado en Galicia, figura agora como dous, o da localidade ourensá e outro nunha parroquia lindeira de Quiroga. A suma de ambos chega case ás 33.000

A suma do voto da tránsfuga María Reigosa aos 12 do PP converterán a Elena Candia na primeira militante do PP en erguer o bastón de mando lucense dende 1999 nun mandato para o que as urnas volveron dar en 2023 a absoluta a PSdeG e BNG por estreita marxe e para o PP, o sétimo fracaso consecutivo no intento de gobernar a cidade

A ex-socialista María Reigosa ratifica a súa intención de pasar de non adscrita a tránsfuga para entregar aos populares de Elena Candia un goberno que non logran coas maiorías saídas das urnas dende hai 31 anos

Vivenda asegura ter xa "en marcha as 4.000 vivendas públicas comprometidas nesta lexislatura", un cambio de tendencia tras década e media de parálise que bate cunha demanda disparada. As 30.000 peticións inscritas no rexistro oficial son case un 90% máis que no inicio do mandato hai dous anos

A Lei de Bases de Réxime Local impide que os "dereitos económicos e políticos" dos edís non adscritos como Reigosa sexan "superiores aos que lles corresponderían se permanecesen no grupo de procedencia". O ditame do Tribunal Superior que invalidou os cargos e soldos dos tránsfugas de Sada, subliñan fontes xurídicas, evidencia que se a ex-socialista opta polo transfuguismo para investir a Candia non podería ser membro do gabinete que forme o PP, como reclama

María Reigosa admite negociacións co grupo de Elena Candia, sinala en declaracións a La Voz de Galicia a posible censura como "oportunidade" e matiza despois en 'El Progreso' que "non sei se me vou atrever". Trinta e un anos despois da última ocasión en que o PP obtivo nas urnas maioría para gobernar Lugo, Reigosa valora entregarlles o bastón de mando a un ano das eleccións nun mandato marcado por tres falecementos na parte socialista do goberno local

Tras procurar reeditar no liderado do PP o seu 'Contrato con Galicia', a dirección comandada polo ex-presidente galego asina agora outro con Vox en Extremadura que, polo seu contexto político, vira en bosquexo do que terían as dereitas sobre a mesa de negociación no Estado se a demoscopia se reproduce nas urnas

A antiga Troco, referente de lecer nocturno nos 90, esvaece de vez coa transformación do noutrora emblemático hotel Villamartín nun centro residencial e de día para a terceira idade promovido pola empresa Rosalba Gestión. O Concello vilalbés liga o apoio municipal ao proxecto á "falta de implicación da Xunta" para abrir no municipio unha residencia pública e insta o Goberno galego a ofrecer prazas concertadas na privada que abrirá no antigo hotel