David Lombao

O pleno compostelán dá a luz verde inicial á norma para aplicar o tributo turístico ao que accedeu a Xunta cunha lei que o bonifica ao 100% e deixa nas mans dos concellos recadalo con entre 1 e 2,5 euros por día e un máximo de cinco xornadas. "Compostela foi abandeirada das mudanzas normativas" para a "creación dun imposto do que se beneficiarán moitos outros concellos que tamén teñen unha alta afluencia turística", resalta a alcaldesa, Goretti Sanmartín

O Ministerio de Educación acredita que máis de 12.000 nenas e nenos acoden a escolas infantís privadas, agora maioritariamente subvencionadas pola Xunta para estender o programa de gratuidade, mentres a rede pública galega ofrece unhas 10.500 prazas, apenas o 30% das financiadas polo Goberno galego. Política Social incide no 60% de escolarización da poboación galega de 0 a 3 anos, un "liderado" estatal que tamén esgrimiu ao devolver 22 dos 34 millóns que o Estado lle transferira para crear máis prazas en escolas públicas

Dous traballos audiovisuais con máis de 40 anos entre si reflicten a transmisión da música tradicional á que rende homenaxe o Día das Letras Galegas, dende as recolleitas e o privado aos públicos masivos: unha histórica peza documental de Tereixa Navaza en 1983 coas Pandeireteiras de Mens que vén de recuperar RTVE e a serie 'Non canto por cantare', que Irene Pin estrea en Agalega.gal

126 das 174 escolas infantís dependentes de Política Social tiveron que deixar solicitudes en agarda por superar o número de prazas para o curso 25-26. En total, 3.070 en toda Galicia. A Coruña, con 587, é o concello con máis peticións de prazas  que non foron aceptadas. Séguea Vigo, con 415. O Goberno galego reclamou que o fondos aos que renunciou puidesen ser empregados para subvencionar prazas en escolas privadas e non estar "condicionados" a crear máis nas públicas

Os populares propoñen á responsable da área da que dependen os servizos informativos como substituta para Sánchez Izquierdo á fronte da agora denominada CSAG, antiga CRTVG. A nova lei garante que coa súa maioría absoluta será dabondo para nomeárena 

A Asemblea Xeral da entidade cooperativa lucense aproba as contas de 2024 cun "resultado histórico" de 31,84 millóns de euros, un 47% máis que no ano previo. Os depósitos da clientela superan os 2.000 millóns tras aumentaren un 15% e o investimento crediticio crece un 6,5% mentres a ratio de solvencia, do 21,16%, mellora máis de dous puntos grazas ao "excepcional resultado"

Ulloa Viva decidiu publicar integramente o expediente de Altri, ao que tivo acceso na Xunta como parte interesada, "no nome da transparencia e do dereito á información". Un dos documentos divulgados que dá o visto e prace ao proxecto é o informe asinado pola directora xeral de Patrimonio Cultural, que se dispón a abandonar o cargo no que levaba doce anos 

A estratexia e plan de acción para atender as persoas que viven soas de maneira non desexada están dotados con máis de 145 millóns e prevén unha rede de alerta que implique a carteiros, bares, comercios ou centros parroquiais. Un teléfono específico para estes casos comezará xa a funcionar nas vindeiras semanas. 

Traémosche algunhas das informacións nas que estivemos traballando durante a Ponte de Maio que vén de rematar, da reivindicación dos dereitos laborais ás causas e consecuencias do apagamento, a mobilidade ou documentos sobre Altri que ven a luz

O informe no que Patrimonio Cultural da Xunta dá o visto e prace á instalación da factoría en Palas adopta as recomendacións propostas por un consultor contratado pola compañía para avaliar o impacto do seu proxecto no Camiño de Santiago. Ulloa Viva lamenta que se "fundamentase en dous informes externos contratados e pagados por Altri" e ve as súas conclusións un "desatino"

No marco da divulgación da súa vida e obra polo Ano Castelao, a RAG destaca o traballo tipográfico do artista e político como "unha das súas grandes achegas ao noso patrimonio gráfico". As letras deseñadas por Castelao forman "un conxunto coherente" co resto da súa vida e obra porque "comparte con eles as mesmas intencións políticas e de reivindicación da identidade galega", subliña a Academia

Durante 2024 "rexistráronse 17 interrupcións de subministro" en todo o Estado, segundo Red Eléctrica, que supuxeron non subministrar 32 megavatios/hora, 12 deles en Galicia. O pasado ano ata o 83% da produción eléctrica galega foi renovable, un fito no que foi protagonista a enerxía hidráulica nun marco de estancamento xeral de potencia instalada