David Lombao

O Concello lucense recorre ao Programa 2% Cultural do Goberno de España á procura de financiamento para o proxecto no antigo Cuartel de San Fernando, no que o Goberno galego chegara a anunciar 10 millóns de euros e despois freara. "A concesión desta axuda cubriría o 75% do investimento", sinala o alcalde, que ve "inxustificable" que a Xunta obvie o Museo da Romanización mentres "compromete fondos millonarios para outros proxectos culturais noutras cidades", coma o Cine Fraga ou o Pazo de Lourizán

A Fegamp advirte de que o custo do SAF xa rolda os 22 euros por hora e a Xunta mantén a oferta de subir dende os actuais 12 euros ata 16 en 2028. No caso de "non conseguir avances" para que Política Social asuma o 100% do custo "en cumprimento da Lei de Dependencia", o presidente da entidade que agrupa os gobernos locais proporá á Comisión Executiva da entidade municipalista "valorar a reclamación xudicial" dos cartos

Tras concluír as pescudas a xuíza considera que "non ha lugar ao procesamento" por delito contra a liberdade sexual, arquivo que agora debe ratificar ou revogar a Audiencia da Coruña. Tivo que analizar diversas probas forenses que implicaban análises químicas e mostras biolóxicas de denunciante e denunciado. Fontes xudiciais advertían de que cumprían meses para facelo nun caso máis complexo porque os feitos denunciados aconteceran nun espazo privado

A suma de PP e Vox pasa de 33 a 40 escanos grazas ao forte devalo do PSOE combinado co avance da extrema dereita. O PSOE perde 10 escanos e 14 puntos dous anos despois de ser primeira forza no que noutrora foi un dos seus feudos históricos. A coalición de Podemos e IU pasa de 3 a 7 escanos e avanza catro puntos

Casa 47, a Entidade Estatal de Vivenda, ofrece arrendamentos de entre 399 e 909 euros en dúas promocións nunha convocatoria aberta ata o 20 de febreiro. A oferta chega trece anos despois de que a Sareb quedase con 5.000 millóns en 'ladrillo tóxico' de Caixanova e Caixa Galicia e mentres o rexistro de demandantes de vivenda protexida da Xunta ten máis de 7.000 inscricións en Vigo

O 31 de decembro expira a última prórroga da suspensión extraordinaria de desaloxos para persoas en situación de vulnerabilidade incursas en xuízos por impagamentos de alugueiro tras un ano no que, a falta do trimestre final, o noso país rexistrou cando menos 812 casos, o 90% en vivendas arrendadas. Ao tempo, o Poder Xudicial volve acreditar a escaseza das ocupacións ilegais, con 11 demandas en tres meses

A dirección dos socialistas confirma a convocatoria do Comité Nacional Galego, onde as Xuventudes do partido reclamaran reunirse para "frear o ruído, dar explicacións transparentes e non estar pendentes da prensa amarela". "Xamais ningunha vítima se dirixiu á dirección do PSdeG" e "mente quen diga o contrario", asegura a Executiva Nacional da formación

O secretario xeral do PSdeG subliña que "sempre" dixo a "verdade" sobre o que coñecía das denuncias contra o presidente dimisionario da Deputación de Lugo e afirma que procurou "preservar" o anonimato das vítimas. O 'Manifesto polo feminismo no PSdeG', con diversas adhesións de cargos e ex-cargos, expresa "estupor, vergoña e inevitable desafección", reclama "transparencia na resolución das denuncias" sobre Tomé e aplaude o "compromiso feminista" da xa ex-secretaria de Igualdade do PSdeG

A ameaza da Xunta sobre a retirada de axentes da Unidade de Policía Adscrita da protección a vítimas de violencia machista ten como pano de fondo as negociacións co Estado para renovar o convenio que a rexe, no que o Ministerio pide un financiamento ao 50% co Goberno galego. O Goberno de Rueda esgrime un "agravio" en comparación cos Mossos d'Esquadra cataláns, que non son unha unidade adscrita senón unha policía integral como a que o PP galego se nega a aplicar en Galicia

O ata agora presidente da Deputación de Lugo formaliza a súa renuncia evidenciando que prevé continuar como deputado horas despois de que, nunha carta á militancia, Besteiro lle reclamase a entrega das actas. O Grupo de Igualdade do PSdeG advirte nun manifesto de que "os feitos coñecidos non son incidentes illados", senón parte de "dinámicas de poder patriarcal" e subliña a importancia da "máxima transparencia" e a "reparación ás vítimas". 

Setenta anos de espolio franquista e oito de litixio finalizan simbolicamente nunha celebración política e socialmente multicolor no Museo do Pobo Galego. Nun discurso inzado de agradecementos, a alcaldesa Sanmartín sinala en compaña dos seus antecesores, Noriega e Bugallo, as pezas como "referencia da loita contra a represión": "Dinnos alto e claro que nunca máis, que o fascismo é morte, falta de liberdade da maioría fronte aos privilexios do réxime"

A dimisión tras as acusacións de acoso sexual atinxe ás súas condicións de presidente da institución provincial e de líder do partido mais non aos determinantes cargos de deputado e mais de alcalde de Monforte, nos que o PSdeG lle reclama que entregue as actas. Se non o fai, a sucesión na presidencia, para a que gaña forza o nome da alcaldesa de Burela, pasa necesariamente polo seu voto, agora como non adscrito, condición que enche de incógnitas o destino dos 5.000 votos que lograron os socialistas monfortinos nas pasadas municipais