David Lombao

O 3,7% de incremento do IPC interanual en xullo sitúa o dato galego tres décimas por riba do estatal. A inflación galega é superior á española dende hai un ano. A inflación dos alimentos tamén frea un chisco pero está no 4,8%. O relativo acougo débese sobre todo ao menor ritmo na escalada dos prezos do aceite, que así e todo é un 35,9% máis caro que hai un ano

A Xunta confirmou o acollemento de 26 menores migrantes chegados do colapsado sistema de protección de Canarias. Achegámonos á súa realidade alén da controversia política puntual coa axuda de Deibe Fernández Simo, que acumula dúas décadas de experiencia no acompañamento destes mozos e mozas como educador social, mais tamén como investigador na materia. O "peor inimigo" dos menores migrantes e o maior aliado do odio é a "ignorancia" sobre a súa realidade, advirte

A Policía remite á Audiencia Nacional listados de consultas a bases de datos do corpo no marco da querela interposta por Podemos contra o secretario de Estado de Seguridade do Goberno de Rajoy e outros cargos por "investigacións prospectivas alleas ao control xudicial" sobre o partido. O groso das consultas levan aparellada a referencia "Madrid-Centro" a respecto da orixe da consulta, pero tamén figuran varias ligazóns a instalacións policiais en Galicia

Dende mediados da segunda década do século a vivenda libre recuperou aos poucos mentres a protexida o fixo de maneira moito máis tímida, cun desequilibrio que en Galicia se disparou dende 2014: de 2015 a 2023 quedaron rematadas 750 protexidas e 18.705 do mercado libre. O Rexistro de Demandantes contén máis de 17.000 solicitudes, a metade en Vigo e A Coruña. A Xunta reitera a promesa de 4.000 vivendas protexidas nesa lexislatura mentres a oposición recea de que "fagan o que non fixeron en 15 anos"

Galicia finalizou 2023 con 14 novas vivendas protexidas, segundo os datos oficiais. O presidente subliña que a Xunta xa "iniciou a execución" de 400 e mantén a promesa de chegar a 4.000 na fin do mandato. O titular da Xunta evita garantir a retirada de todos os pisos turísticos ilegais do rexistro turístico, como esixe a líder do BNG

Unha nova sentenza do Tribunal Superior eleva a dez os ditames xudiciais que avalan o Concello de Santiago para limitar os pisos turísticos pola vía urbanística con independencia da súa inscrición no rexistro da Xunta. O goberno local compostelán dá especial importancia a que a xustiza o avale para que deixar sen efecto a comunicación previa de apertura de pisos turísticos irregulares sexa dabondo para o cesamento da actividade

As ringleiras de mozas e mozos á procura de piso regresan nun contexto no que o dereito á vivenda vai gañando espazo no debate público. O Colexio Oficial de Administradores de Inmobles de Galicia evidencia que "moitos pisos que se alugan a estudantes" non teñen as "condicións mínimas de habitabilidade" e recomenda pedir "sempre" copia do contrato e do depósito da fianza no IGVS mentres lembra que o estudantado ten os "mesmos dereitos que calquera arrendatario", así como obrigas como as referentes aos ruídos nocturnos

O Imposto de Patrimonio atinxe a unhas 8.500 persoas en Galicia que manexan unha riqueza media de 6,7 millóns. A Xunta aplicoulles un desconto do 25% que despois duplicou ao 50%

O presidente afirma que "Galicia sempre foi unha terra solidaria", pero, en vésperas do encontro co Ministerio, mantén que o Goberno de España "non ten ningunha política ao respecto" da acollida de menores migrantes non acompañados malia "ver que se está producindo unha avalancha". En Galicia as cifras de acollemento de menores migrantes son moi escasas. Nos anos en que foron máis avultadas apenas superaron as 200 persoas

A creación destes centros de crise foi aprobada en 2021 polo Ministerio de Igualdade, que os financia. En 2023 accedeu a xestionar coa UE unha prórroga no prazo de apertura ata finais de 2024 por petición das autonomías xa que a maioría, entre elas Galicia, aínda non os abriran. A Xunta freou o primeiro contrato porque cando o día adxudicar, os centros aínda "non existían". Olalla Rodil (BNG) insta o Goberno galego a parar o segundo, ao que destina algo máis de 3 millóns, e "garantir a xestión pública" no canto de teimar no "afán privatizador" do servizo

O caso Pokémon, lanzado en 2011 pola despois sancionada xuíza De Lara, supuxo un verdadeiro terremoto político e social en Galicia, con múltiples administración salpicadas pola sombra da corrupción en plena crise económica. A peza principal vén de quedar pechada acreditando que o ex-edil lucense Liñares, xa en prisión por outro caso, liderou a concesión corrupta do guindastre municipal en 2005 a cambio de 2.000 euros ao mes que os participantes na trama aseguraban que ían ao alcalde malia non ser certo

O TSXG dá a razón á entidade no seu recurso contra a orde de Educación que concede as axudas máximas para libros de texto ao alumnado con discapacidade matriculado en centros e unidades de educación especial, pero non ao que acode a aulas ordinarias. "Non se atopa xustificación razoable para conceder as axudas prioritariamente a quen reciba educación en centros específicos ou en unidades de educación especial de centros ordinarios", di a sentenza