David Lombao

Ao contrario do sinalado nalgúns ámbitos políticos, económicos e mediáticos, o aval do Tribunal da UE aos prazos para tramitar os parques non implicou desbloquear automaticamente os recorridos na Xustiza galega. O TSXG sentencia que o parque A Ruña III debeu ser obxecto dunha avaliación ambiental conxunta coa liña eléctrica de evacuación que ía utilizar e que contemplase os seus posibles danos en espazos naturais

O Goberno galego aproveita o trámite dos Orzamentos de 2026 para inserir a undécima reforma do Regulamento da Asesoría Xurídica, aprobado en tempos de Fraga, e cancela a persoa licenciada en Dereito proposta polos sindicatos que era parte do órgano que organiza e avalía os procesos selectivos neste corpo. Substitúea por un membro da escala de finanzas designado pola Consellería de Facenda

O Executivo galego aproveita o trámite dos Orzamentos de 2026 para modificar a lei de estatística aprobada hai apenas un ano, que mantivo a representación dos grupos parlamentarios no máximo órgano consultivo na materia, introducida polo gabinete de Feijóo en 2011. Adapta o Consello a que o IGE agora depende de Presidencia e non de Facenda e, ao tempo, cancela a representación parlamentaria e estatal e aumenta as "persoas de relevancia profesional" que pode designar directamente a propia Xunta 

O alcalde lucense presenta o Plan Municipal de Vivenda, con accións como descontar o 95% do tributo de bens inmobles ás persoas propietarias que inclúan os seus pisos baleiros na Bolsa Municipal de Alugueiro Accesible, que o Concello ofertará "por baixo do prezo do mercado". O proxecto inclúe mercar vivendas para rehabilitar e alugar, novo solo urbanizable con reservas mínimas do 40% para pisos protexidos e limitar os pisos turísticos a baixos, primeiros andares ou edificios de uso exclusivo

O Goberno galego aproveita o trámite dos Orzamentos de 2026 para reformar por décima vez a lei de vivenda, que ata agora contemplaba a "excepción nos requisitos de acceso" en pisos de protección autonómica se quedaban baleiros por "falta de persoas adxudicatarias". Manterá o sorteo como vía "ordinaria" de adxudicación, pero "exceptúa da obriga" as vivendas protexidas "destinadas a arrendamento", que poderán ser adxudicadas directamente a persoas inscritas no Rexistro de Demandantes se non son parentes dos promotores en primeiro ou segundo grao

En outubro de 2013 a Xunta celebrou a chegada do peregrino 200.000 daquel ano. Esta semana o Goberno recibiu ao número 500.000 no que vai de 2025 entre un entusiasmo que nos últimos anos achou receos na Igrexa ou entidades do Camiño por unha masificación que mesmo reflectiu o Plan Estratéxico do Xacobeo. En 2026 o Goberno galego achegará á Axencia de Turismo un 8% máis de fondos propios, pero o seu orzamento total caerá un 14% pola redución de fondos europeos de recuperación

O conselleiro de Sanidade responde á ministra que ve "improcedente" remitir a información porque o sistema informático para facelo aínda non está desenvolvido e afirma que "todas as comunidades gobernadas polo PP" teñen bos resultados. A negativa, confirmada nunha carta redactada en termos case idénticos ás enviadas polas demais autonomías do PP, contrasta con múltiplas exposicións públicas nas que Sanidade evidencia bos resultados dos seus cribados

A partida de vivenda medra un 25% nas contas públicas entregadas polo Goberno galego á Cámara, que soben un 21% na área que financia medios contra os incendios e avanzan apenas un 1,6% no eido educativo. Diminúen as axudas para eficiencia enerxética e tamén a partida de turismo pola redución de fondos para o "turismo sostible no ámbito local", que son transferidos aos concellos

As entidades agrupadas en FADEMGA, que xestionan 2.813 das 5.188 prazas de discapacidade intelectual da Consellería de Política Social, inician mobilizacións para esixir que o Goberno galego cubra os custos dos servizos. Alzas salariais e inflación provocaron "sobrecustos" no concerto social que "a Administración non asumiu" malia "ser advertida", denuncian. "Se non quere cumprir, que xestione directamente as prazas", agregan

O foro participativo impulsado polo Consello da Cultura galega para procurar revitalizar o uso do galego condensa o seu traballo nun informe cun cento de propostas . Cláusulas lingüísticas nos contratos públicos, alternar a lingua vehicular nalgunhas materias escolares ou máis contidos en lingua galega en internet, entre as medidas inmediatas propostas 

A xornada de paros laborais e mobilizacións sindicais contra o xenocidio e en solidariedade co pobo palestino culmina con medio cento de manifestacións impulsadas pola Coordinadora Galega de Solidariedade con Palestina

Tras perder a apertada pugna electoral polo Concello e a Deputación en 2023, o PP multiplicou os movementos para tentar logralos en 2027. Un dos múltiplos terreos desta batalla é a do asociacionismo veciñal, co nacemento de colectivos afíns aos populares fronte á Federación Lucus Augusti, máis afín aos socialistas