David Lombao

O voceiro dos populares combina no debate de política xeral chamadas ao "consenso" e ao "respecto persoal" cunha representación na que simula invocar a Rosalía ou Castelao para caricaturizar a Ana Pontón. Apoiado en que, nun acto contra Altri, a líder do Bloque considerou que "Rosalía estaría en contra" do proxecto, Pazos chancea con que non só ve mortos, tamén fala con eles" mediante un "instrumento infalible" que está "certificado pola mesmísima UPG"

"O rexistro de [demandantes] de vivenda está subindo porque a xente agora se dá conta que o da vivenda vai en serio", resume o presidente, que no debate de política xeral tamén dá sinais de poñerse serio co persoal de baixa laboral no que BNG e PSdeG observan como un cuestionamento da clase traballadora e dos médicos

A portavoz nacional do BNG ofrece a súa formación para encabezar o país de xeito "audaz" fronte a un PP que o deixa "estancado" e "máis feble" e  lamenta que a "gran achega" de Rueda para "saír do estancamento" sexa "criminalizar" as persoas traballadoras que precisan unha baixa

O presidente anuncia no debate de política xeral do ecuador da lexislatura unha nova reforma da Atención Primaria, que será máis estrito no ensino e "unha nova delegación en Bos Aires"

O tribunal concorda en que as pescudas da xuíza de Ferrol non acharon "indicios bastantes" para procesar o ex-titular da Consellería do Mar. Rexeita a petición da denunciante de devolver o caso ao xulgado de Ferrol para tomar declaración "á condutora e a axudante da ambulancia" que atenderon a muller a noite dos feitos para indicaren se "a sintomatoloxía que presentaba" era "compatible cun cadro de submisión química", ao concluír que esa "hipótese" xa foi "contradita" na investigación

A concelleira de Cohesión Social do goberno lucense faleceu aos 55 anos por mor do cancro de mama que padecía. O PSdeG lucense manifesta "desolación"  pola perda de quen "coidou de todos ata que o corpo xa non a deixou", salienta Besteiro. "Nun ano moi duro, no que tamén marcharon Paula e Pablo, esta perda dóenos especialmente", lamenta o alcalde, Miguel Fernández, en referencia aos pasamentos da rexedora Alvarellos e do concelleiro Permuy

A Xunta incluíu no seu proxecto "anticrise" a "axilización do pagamento" de achegas como a Risga ou as Axudas de Inclusión. Preguntada pola concreción na redución dos tempos de espera, Política Social indica que "na medida do posible" van tentar pagar "o máis pronto posible" uns subsidios que adoitan ter unha demora media superior aos tres meses

Vinte e sete anos de maiorías progresistas perigan nun Concello de Lugo que vive a Semana Santa marcado por unha tentación: a dunha moción de censura do PP da man dunha posible tránsfuga que nunca podería ter oportunidade de selo se non fose por unha concatenación de fatalidades alleas á política

O PP vai abrir no Senado unha pescuda política coa que acusa a corporación estatal de diversas irregularidades económicas e de converterse nunha "plataforma de propaganda partidista e gobernamental". Os 'venres negros' de Defende a Galega acumulan máis de 400 edicións e dous dos seus membros obtiveron sentenzas xudiciais que sinalan a antiga CRTVG por represalialos. O movemento dos populares no Estado é visto como "hipocrisía e cinismo absoluto" polo comité da actual CSAG

Fademga denuncia o "incumprimento" dos compromisos de financiamento destes servizos, lanzados pola Xunta o pasado outono ante a advertencia dun calendario de mobilizacións que as entidades valoran agora retomar. Tras advertir as entidades publicamente da "situación límite", da posibilidade de volveren protestar e de que a Consellería non as recibía, Política Social fixou unha xuntanza con elas para o vindeiro 10 de abril

As máis de 200.000 persoas anotadas nas listas de espera de medicina especializada no Sergas rexistran unha demora media duns dous meses, pero en trece servizos o atraso é superior a un trimestre. Na banda contraria, unha ducia de especialidades cunha espera de apenas unha semana, moitas delas en servizos oncolóxicos

O Goberno galego aproba "reordenar liñas" de financiamento do Instituto Galego de Promoción Económica nun plan que cifra en 157 millóns con axudas económicas a agro e pesca ou achegas para eficiencia enerxética das que non especifica se xa estaban previstas ou son fondos novos. Nun apartado de "apoio a familias" cita unha "axilización" no pagamento de subsidios existentes como a Risga e unha nova compensación ás empresas de buses con contratos de transporte escolar