Un estudo encargado polo Concello á RAG advirte do "proceso de substitución lingüística" entre a xente nova da capital galega en favor do castelán, que ten un "claro predominio" como lingua inicial e habitual. O 75% usa o español de xeito cotián ou maioritario aínda que a lingua propia mantén "espazos de resistencia" na mocidade bilingüe, procedente do rural e de centros públicos.
Un estudo que analiza a variable xénero na práctica lingüística das aulas inclúe unha enquisa que revela que máis de sete de cada dez docentes usarían a lingua propia nas clases de matemáticas se puidesen escoller.
Unha enquisa aos Equipos de Dinamización da Lingua Galega (EDLG) revela que máis da metade cre que a polémica normativa "contribuíu pouco ou nada" á normalización e que os prexuízos cara á lingua mantéñense. A práctica totalidade asegura que o alumnado fala menos ou igual galego que antes.
Un informe do Consello da Cultura inclúe unha enquisa aos Equipos de Dinamización da Lingua Galega (EDLG) dos centros de ensino na que case o 40% sinala que o uso da lingua castelá é maior do que marca o proxecto lingüístico.
Un informe do Consello da Cultura realiza a primeira análise destes organismos públicos, presentes en menos do 20% dos concellos, e mais dos equipos de dinamización da lingua nos centros de ensino tras máis de 30 anos de labor. Uns e outros coinciden no escaso orzamento e na falta de coordinación coas administracións.
O foro participativo impulsado polo Consello da Cultura galega para procurar revitalizar o uso do galego condensa o seu traballo nun informe cun cento de propostas . Cláusulas lingüísticas nos contratos públicos, alternar a lingua vehicular nalgunhas materias escolares ou máis contidos en lingua galega en internet, entre as medidas inmediatas propostas
