David Lombao

Guardian Homeland Security, "representante oficial dos principais fabricantes israelís de material policial e militar", é unha das tres candidatas ao concurso da Consellería da Presidencia para mercar 250 chalecos da unidade de Policía adscrita ao Goberno galego. A compañía, "fundada por antigos membros dos servizos especiais de seguridade do Estado de Israel" e presidida por un tenente xeneral retirado, presenta como valor dos seus produtos seren usados polo exército hebreo e logrou diversos contratos co Estado e múltiplos concellos, varios galegos

Milleiros de persoas e centos de embarcacións esixen ao Goberno galego "enterrar estes proxectos de vez" e liberar de contaminación unha ría de Arousa "na UCI". Os colectivos convocantes ven "un insulto á intelixencia" que poidan acabar saíndo adiante a factoría e a explotación mineira máis aínda "no contexto de cambio climático, cando a auga vai ser aínda máis importante, escasa e valiosa"

Aínda que ao límite, o prazo para presentar a "actualización" do Plan Xeral de Normalización da Lingua Galega antes da fin deste primeiro semestre de 2026 vaise cumprir. Fontes coñecedoras do proceso aseguran que no grupo encargado de propoñer medidas para educación a vontade pasa por explicitar no texto final a necesidade de remudar o decreto de 2010 por unha nova norma menos restritiva para o galego, pero a Xunta está a frear esa pretensión

"Dentro de once meses Lugo fará historia e demostrará a súa dignidade apostando por un goberno liderado polo BNG", augura Ana Pontón. O Bloque chama a contrastar  "a estabilidade, a seriedade e o rigor" que, di, achegou ao goberno municipal co "pacto das trapalleiras", en referencia á moción de censura do PP local coa tránsfuga ex-socialista María Reigosa

O Goberno galego resístese a divulgar os datos de pisos baleiros nas mans da banca que recompila por decreto dende hai unha década en máis de medio cento de concellos que, segundo o censo, acumulan máis de medio millón de inmobles sen habitar

O Concello compostelán e o grupo de investigación Armela da USC lanzan un proxecto para "identificar de oficio as familias potencialmente beneficiarias" das bolsas de comedor e simplificar o proceso para as recibiren. A previsión é poder aplicar o novo modelo ás bolsas dende o curso 27-28 reducindo "un 80% o tempo medio de tramitación" e "garantindo que chegan a todas as familias que as precisan"

As tres institucións académicas públicas únense para "manifestar o seu apoio" aos membros da comisión que organiza as PAU dende hai tres décadas en plena aceleración do Goberno galego para controlala aproveitando os erros en dous exames. En xuño de 2024 propuxeron que as versións finais das probas fosen revisadas por unha segunda persoa e non por unha soa como no actual sistema, que "extrema as cautelas para garantir a confidencialidade"

As áreas sanitarias de Vigo e Lugo, as máis atinxidas por uns peches estivais que Sanidade defende porque "o 100% están dispoñibles se o require a demanda". CIG-Saúde advirte das "consecuencias" do peche anual, como "máis presión sobre as urxencias e atrasos de ingresos" e pon o foco no seu impacto na área viguesa ao cadrar co traspaso de case 8.000 pacientes de Povisa ao Álvaro Cunqueiro

O poso de delegado da Xunta outórgalle unha presenza política constante en toda a provincia, capital incluída. Se o PP lograse continuar na alcaldía tras o paso polas urnas, o ex-conselleiro permitiría á dirección do PPdeG evitar o risco dunha baronía provincial cunha concentración de poder mesmo maior á que tivo Cacharro. Se a esquerda lucense volve sumar absoluta Rueda disporía dun mecanismo para encapsular o fracaso en Candia 

Máis do 60% dos fogares galegos son en propiedade e sen hipoteca e a porcentaxe dos residentes en vivendas alugadas supera por primeira vez dende que hai datos comparables en Galicia á dos que viven en pisos e casas hipotecadas

En vésperas da PAU Educación lanzou o proceso para substituír na organización dos exames á CIUG, organismo con composición equilibrada de universidades e Xunta, por outro con maioría gobernamental. Atribuíuno á vontade de inserir "melloras" e "avanzar nun modelo de proba común", se ben agora lígao tamén aos fallos detectados en dous dos 40 exames deste ano. A comisión lembra que hai dous anos pediu á Consellería inserir unha segunda revisión dos exames unha vez elaborados, pero non tivo resposta

Os populares equiparan co delito de enaltecemento do terrorismo a instalación de esculturas en homenaxe ao militante da UPG asasinado pola policía da ditadura en 1975, recoñecido polo Estado como vítima do franquismo hai case dúas décadas. A proposición, que ten garantida a súa aprobación, pide ao Goberno galego que se dirixa aos concellos de Santiago, Lugo e Arzúa para que "retiren da vía pública" as homenaxes a Reboiras promovidas polas fundacións Moncho Reboiras e Terra e Tempo