Unha ducia de imaxes en 3D do campamento romano de Aquis Querquennis
O xacemento do campamento romano de Bande vén de ser recreado en tres dimensións no marco do proxecto Gerês-Xurés Dinámico para a dinamización desa reserva da biosfera transfronteiriza.
-
01
O campamento
O proxecto Aquis Querquennis 3D forma parte das actividades a realizar pola Deputación de Ourense para a dinamización da Reserva da Biosfera Transfronteiriza Gerês-Xurés (RBTGX), a través do proxecto Gerês-Xurês Dinámico, proxecto cofinanciado ao 75% polo Programa INTERREG V A España-Portugal (POCTEP) 2014-2020 a través do Fondo Europeo de Desenvolvemento Rexional (FEDER).
-
02
As portas
O proxecto recrea en 3D as principais estruturas do campamento a partir do estado dos coñecementos sobre o mesmo en 2018.
-
03
As portas, en vídeo
As recreacións en 3D permitiron realizar tamén vídeos dramatizados.
-
04
O cuartel xeral
No punto de cruzamento das dúas rúas principais que chegan desde as portas está o cuartel xeral ou Principia.
-
05
O cuartel xeral en vídeo
O cuartel xeral é o centro administrativo do forte e nel gárdanse os estandartes da Lexión VII Gemina.
-
06
Os barracóns hoxe
A estrutura do campamento e os seus barracóns é perfectamente visible na actualidade.
-
07
Os barracóns en 3D
No campamento hai seis barracóns de soldados, liñas de habitáculos en edificios enfrontados ao redor dun patio con pozos que permiten a recolección e o uso das augas pluviais.
-
08
Os barracóns en vídeo
As estancias están divididas en dous ámbitos de 3×3 metros e preparadas para albergar ata a oito soldados. Un deles serve de dormitorio e o outro para cociñar e a vida diaria.
-
09
O hospital
En Roma vélase pola saúde dos seus soldados xa que se trata do seu “brazo armado” e son o seu recurso máis valioso.
-
10
Os hórreos
Os horrea eran lugares de almacenamento de produtos alimenticios, principalmente gran, polo que había que corrixir o excesivo empuxe que provocaba o volume das mercadorías, sobre as paredes laterais e evitar ao mesmo tempo aspectos como unha excesiva humidade ou a acción dos roedores.
-
11
A Vía Nova
Denominada Vía Nova ou Vía XVIII unía as poboacións de Braga (Bracara Augusta) e Astorga (Asturica Augusta). Son uns 315 quilómetros de calzada romana cuxa creación estivo relacionada coa extracción de ouro e supuxo a aparición de novos núcleos de poboación e novos hábitos.
-
12
O campamento recuperado
O atractivo de Aquis Querquennis vai máis alá da súa recreación en 3D.