A folga está convocada conxuntamente por CCOO, UGT e CIG e conta co apoio do persoal que nas asambleas dos pasados 19 e 25 de xuño ratificou esta medida de presión nun día tan sinalado para o comercio.
Isabel Castaño, secretaria xeral de FECOHT-CC OO de Galicia, asegura que “están en xogo as condicións laborais no sector, xa que a patronal se amparou na reforma laboral para rexeitar que o actual convenio continúe vixente mentres se manteñen as negociacións para pactar un novo texto”. Castaño recorda que levan xa dous anos intentando chegar a un acordo de renovación do convenio, pero as diferentes patronais impedírono ademais de que moitas delas “nin sequera estean presentes nas negociacións”, o que causa, di, “unha falta de lexitimidade”.
A secretaria xeral de FECOHT-CC OO cree que a folga é máis que necesaria dado que moitas das empresas do sector “intentan aproveitar a conxuntura da crise para aumentar beneficios á custa de recortar dereitos laborais”dado que gran parte das mesmas “están nunha boa situación económica”,
A xornada de folga non contará con manifestación pero si con piquetes informativos nos grandes centros comerciais da Provincia da Coruña así como no centro das principais cidades.
Piquetes informativos:
Catro Camiños (A Coruña) ás 8:30
Praza Roxa (Santiago de Compostela) ás 9:30
Centro comercial Odeón (Ferrol) ás 9:30