En 2007 traballaban en Galicia 1.061.746 persoas, unha cifra que chegou a reducirse ata as 890.813 de 2014. A leve recuperación experimentada nos últimos tres anos só permitiu salvar 50 mil dos 170 mil empregos perdidos durante a crise, ata chegar ás 940.468 afiliacións rexistradas este mes de marzo nas estatísticas da Seguridade Social.
Podes consultar neste gráfico os datos do teu concello, comparando o dato actual co existente en 2007, antes do inicio da crise, ou co que había nos anos 2013 e 2014, momento no que o emprego tocou fondo.
