O número medio de afiliados estranxeiros á Seguridade Social en Galicia acadou os 34.025 no pasado mes de xuño, o que supón un descenso do 8,11% con respecto ao mesmo mes do exercicio pasado, pero un incremento do 0,7% en comparación co mes de maio.
No conxunto do Estado, a Seguridade Social gañou 20.677 cotizantes estranxeiros en xuño, o que supón un 1,19% máis que no mes anterior e deixa o descenso interanual nun 4,88%. En total, o número de inmigrantes de alta no sistema chega aos 1.760.520 ocupados, tal e como informou o Ministerio de Emprego, que atribúe este incremento nos últimos meses á ocupación estranxeira nas campañas agrícolas e á tempada turística.
Do total de inmigrantes afiliados á Seguridade Social en Galicia, 21.624 cotizan ao Réxime Xeral, 1.414 ao agrario, 2.856 ao do fogar, 5.032 ao de autónomos, 1.529 ao do mar e 1.570 ao do fogar.
