Hoxe celébranse eleccións en Alemaña. Espérase un claro triunfo de Angela Merkel, con escasos cambios na súa política; a única dúbida radica en se poderá repetir a súa colición de goberno coa FPD ou se, no caso de que os liberais non conseguisen representación, terá que buscar outro socio, nomeadamente o SPD. O Consello Europeo de Relacións Exteriores escribe que "os europeos esperan moito de Alemaña unha vez que pasen as eleccións, en especial unha visión de Europa que vaia alés da resposta ás emerxencias. Pero probablemente van quedar decepcionados".
Fálase
Feijoo afirma que o decreto de plurilingüismo é "legal e cordial" e asegura que a educación pública en Galicia é "mellor" que noutras comunidades autónomas
Hoycinema.com repasa os inventos e gadgets de Apple que se amosan no filme Jobs, dende a primeira placa-base até o Macintosh
O Consello Político Nacional de Compromiso por Galicia renova a súa "aposta por unha candidatura de país" para as eleccións europeas, aberta a "todas as forzas políticas progresistas que operen en Galicia" e coa defensa do autogoberno e o abandono das políticas de austeridade como claves. Insta a Anova e BNG a porse de acordo para a súa concreción.
O PSdeG-PSOE estuda accións e sancións contra o ex deputado José Manuel Lage, despois de que a súa empresa fose contratada pola Deputación de Ourense, nun proceso sen concurso aberto, como asesor en transparencia.
A AP9 continúa sufrindo un importante atasco á altura da ponte de Rande, despois de que ás doce do mediodía un camión chocase contra a mediana.
Merkel carga contra os eurobonos no peche da súa campaña en Berlín e esíxelles aos países do euro que sigan coas reformas
José Ramón Gómez Besteiro asegura nunha entrevista que publica Europa Press que unicamente terá en conta "a defensa dos intereses de Galicia" á hora de pechar acordos con outras forzas e non a cor política. Así mesmo, descarta que a presenza de Pachi Vázquez no Parlamento supoña "un problema". E oponse á reforma local ao tempo que defende a continuidade das deputacións.
La Voz de Galicia entrevista Víctor Domingo, responsable da Asociación de Internautas, que critica o proxecto de lei do novo Código Penal que endurece as penas para as webs de enlaces. "E que vai pasar con Google, que é o maior enlazador do mundo, irán tamén contra el?", ironiza.
A OCU prepara unha compra colectiva de enerxía ante as constantes subas do recibo da luz. A campaña leva 130 mil inscritos. A OCU fará unha poxa na procura do prezo máis baixo que ofreza unha comercializadora para todos os integrantes apuntados na campaña.