A Asociación puntoGAL anunciará este martes as solicitudes seleccionadas para participar no seu Programa de Pioneiros, que poderán publicar as súas webs baixo un enderezo .gal dende o 25 de xullo. Será nun acto ás 12 do mediodía no Museo do Pobo Galego
Galiza por Palestina convoca manifestacións en denuncia das matanzas provocadas polo exército israelí en Gaza. En Vigo (hoxe, 20 horas, Vía Norte), Ourense (hoxe, 20.20 horas, Praza do Ferro) e Compostela (mañá martes, 19.30 horas, Praza do Toural)
Faro de Vigo analiza criticamente a distribución de sedes da Fundación Obra Social de Galicia, a antiga obra social das caixas galegas, denunciando que Facenda "eliminou dos estatutos as funcións de Vigo, onde estaban a xestión e os cumios directivos"
O Manifesto Marea Atlántica, que dende a semana pasada fai un chamamento a constituír unha candidatura cidadá para gañar as eleccións municipais na Coruña, presentarase publicamente este martes. Será ás sete da tarde na Ribeira do Cómaro (Espigón das Escravas-Riazor)
Un grupo de delegados/as e traballadores/as da automoción da CIG ocupan nestes momentos as oficinas do Ceaga en protesta polos despidos en Citroën e en solidariedade coa folga de fame
Antonio Delgado debulla en El Diario a nova Lei de Propiedade Intelectual, que se aprobará esta semana, e que incorpora a "mal chamada taxa Google, en realidade un canon que xestionado por CEDRO"
Remata sen acordo unha nova xornada de negociacións entre Urbaser e os traballadores de recollida do lixo en Lugo. A folga chega xa ao seu día número 41.
O secretario xeral da ONU, Ban Ki-moon, condena a matanza de civís realizada en Gaza polo exército israeli, cuxa ofensiva provocou xa máis de 500 mortos. O Consello de Seguridade da ONU fixo un chamamento ao alto o fogo.
Duran i Lleida confirmará este luns a súa renuncia á secretaría xeral de CiU, tras trece anos no cargo
Economía Digital publica unha reportaxe sobre Quen manda no sector lácteo galego? e destaca que Leche Río, Feiraco, Lactalis e Celta, todas expedientadas por Competencia, facturan máis de 1.000 millóns de euros ao ano