#22M A columna galega que chega ás Marchas da Dignidade en tren xa está nas rúas de Madrid. Unirase ás persoas que viaxaron en autobús para, xunto a elas, dirixirse ao punto de inicio da manifestación, segundo informa Virginia Uzal.
Fálase
-
Mercedes Leobalde gaña o XVI Premio de Narrativa Curta Ánxel Fole, que organiza o Concello de Lugo, coa súa obra Funambulistas.
#22M Chega a Madrid a columna noroeste, na que se integran os participantes galegos na marcha. Ao tempo, xa está na capital española o tren procedente de Galicia para participar nas Marchas da Dignidade.
#22M Controis da Garda Civil, rexistros e identificacións obstaculizan a chegada a Madrid dos participantes nas Marchas da Dignidade que viaxan en autobuses. Cóntao El Diario
O BNG presenta a esta hora a súa candidatura ás europeas, que encabeza Ana Miranda e que define como "a da Galiza que se rebela". Máis información, hoxe en Praza
Besteiro avanza no Comité Nacional do PSdeG que o partido reformulará a súa presenza na Fegamp se Feijóo persiste no ataque aos concellos. Explica tamén que a formación ten unha débeda de 2,1 millóns de euros e se ve abocado a reestruturar o seu cadro de persoal. Máis información, hoxe en Praza.
A veciñanza compostelá de Galeras concéntrase de novo este sábado para rexeitar que un acceso a un parking privado sexa construído sobre o parque do seu barrio.
Este sábado trae consigo abondosa actividade política no país. O BNG presenta a súa candidatura ás europeas en Compostela e o PSdeG celebra o seu primeiro Comité Nacional con Besteiro como secretario xeral. Mentres, o PP amosa a parte galega do seu programa para o 25-M e Compromiso por Galicia proclama o resultado definitivo das súas primarias. A información, hoxe en Praza.
As Marchas da Dignidade están xa en Madrid. A columna na que participan os e as activistas chegados de Galicia participará nun xantar popular antes da gran manifestación desta tarde.
A ministra de Fomento, Ana Pastor, defende o boicot á comisión de seguridade viaria do Parlamento galego que promove o delegado do Goberno central en Galicia, Samuel Juárez.