Rubalcaba pide a dimisión de Rajoy, non descarta a moción de censura e da por feita a financiación ilegal no Partido Popular. " Rajoy non se comportou como o presidente dun país en crisis senón dun partido cun sistema de financiación ilegal de 20 anos" dixo Rubalcaba, ao que engadiu que o PP "gañou as eleccións coa financiación ilegal".
Fálase
Rubalcaba menciona os SMS entre Rajoy e Bárcenas no pleno. "Son mensaxes que proban a relación entre un socio e outro que o pode poñer en apuros". "Ten usted que marchar señor Rajoy" di o secretario xeral do PSOE.
Rubalcaba acusa a Maria Dolores de Cospedal "dunha operación de borrado de probas. Cospedal limpaba e limpaba salvo na financiación do PP na súa comunidade". Cospedal está sentada na tribuna de invitados xunto a Rita Barberá.
Comeza a quenda de Pérez Rubalcaba que lle lembra a Rajoy que "por moito que se empeñe, non veu voluntariamente a este pleno, tivémolo que traer". Ademais, acusao de usar a economía e a moción de censura para esquivar o caso Bárcenas.
Rajoy nega as acusacións: "Son falsas as súas acusacións, as súas medias verdades e as interpretacións da media ducia de verdades que emprega como cobertura das súas falsidades. No PP nin se levou unha dobre contabilidade nin se oculta delicto ningún. O único feito certo son as contas suizas de Bárcenas". Rajoy pide deixar "que os xuices traballen", e emprega declaracións de Rubalcaba en 2011 nas que o socialista lle demandaba daquela á oposición que respectase "a presunción de inocencia"
Rajoy recoñece que se equivocou con respecto a Bárcenas: "Equivoqueime ao manter a confianza en alguén que agora sabemos que non o merecía", afirma Mariano Rajoy no Senado, "Bárcenas era unha persoa de confianza no partido". Estas palabras levantaron o balbordo no pleno.
Rajoy fala de economía: "España vai mellor". E cita o descenso do paro nas cifras da EPA e da prima de risco.
Rajoy comeza o seu discurso á defensiva. Sí cíta a Bárcenas: "referireime ao caso Bárcenas", pero defende que "solicitei esta comparecencia para dar as explicacións" e acusa a oposición: "non se pode convencer a quen gozan do privilexio de coñecer xa a verdade"
Está a piques de comezar a comparecencia de Mariano Rajoy ante o Senado. Terá un tempo ilimitado para dar as súas explicacións, e despois intervirán os voceiros do resto dos grupos. Gardouse un minuto de silencio polas vítimas do accidente de tren e Rajoy comeza a súa intervención lembrando a traxedia.
Os centros educativos serán os encargados de fixar o idioma predominante dos grupos de educación infantil en función do resultado da pregunta non vinculante aos pais e o ámbito sociolingüístico.