Está en marcha o prazo de recepción de proxectos para Galiciencia 2013, que estará aberto até o 23 de outubro. Trátase dun evento dirixido a estudantes de Secundaria que estean realizando traballos científicos e tecnolóxicos.
Fálase
233grados amosa o exemplo de Recontando.com, unha web brasileira dirixida a nenas e nenos de 5 a 11 anos que explica a actualidade a través de debuxos animados.
Sin Permiso analiza a situación social de Sudáfrica, con importantes folgas en sectores clave, e a reacción da esquerda política.
Novagalicia Banco traspasa EVO por 60 millóns de euros á entidade dos EUA Apollo Management Internacional LLP, que se fará coas 80 oficinas da entidade.
Chile pon á venda a gran filial de Pescanova. A liquidación inclúe nove barcos e dúas granxas de salmón, segundo publica Faro de Vigo.
O camiño en Defensa do Ensino Público Galego na Montaña e no Rural completou este sábado a súa última etapa, chegando a Fisterra
O fracaso de Madrid 2020 deixa moi debilitada a Ana Botella nas súas opcións de ser candidata nas eleccións municipais de 2015 e supón unha gran decepción para a Casa Real, destaca Vozpópuli
Compromís-Equo levará a democracia directa ao Congreso na votación da Lei de Transparencia. Os cidadáns poderán decidir até o xoves a través de Internet que emendas apoiará ou rexeitará o deputado Joan Baldoví
A Xunta traballa para pechar nos vindeiros dous meses dúas fusións de concellos, unha grande na Coruña e outra pequena en Ourense, segundo publica La Voz de Galicia
As empresas adxudicatarias pretenden recortar 20 millóns ao ano en persoal nos hospitais privatizados en Madrid. 2.800 dos 5.200 profesionais sanitarios que traballan nos seis centros privatizados son interinos e eventuais e as empresas aseguran o mantemento dos seus contratos, pero non das súas condicións.