As remeiras da embarcación de Mecos adestraron este sábado na Baía de Donostia preparando a primeira xornada da final da Kontxa, que se celebrará este domingo.
![](https://praza.gal/media/cache/live_image/xornal/uploads/falase/foto/5221f4bc23049-kontxa_1.jpg)
As remeiras da embarcación de Mecos adestraron este sábado na Baía de Donostia preparando a primeira xornada da final da Kontxa, que se celebrará este domingo.
Pachi Vázquez propón "un acordo entre todos" para rematar co desastre dos incendios forestais. O secretario xeral do PSdeG esíxelle a Feijóo "que deixe de mentir aos galegos dicindo que a campaña do lume vai ben" e reclámalle que promova "unha nova Lei de Montes desde o consenso de todas as formacións parlamentarias", unha lei "que, ao contrario da actual, servira para facer rendible o monte e favorecera a prevención".
Vén de ser extinguido o incendio que onte pola noite se declarou en Muros, e tamén foi desactivado o nivel 1 de alerta no lume de Boiro. Segue activo e sen control o incendio de Navia de Suarna, nos Ancares.
Está xa en marcha o Festival Sinsal San Simón, na primeira das súas dúas xornadas. O cartaz, segredo até o mesmo comezo dos concertos, inclúe a Caxade, Germán Díaz, Gravenhurst, Stealing Sheep, Denis Jones, Le Parody, Baden Baden e Triángulo de Amor Bizarro.
Putin cualifica de "absoluto disparate" as acusacións de EE UU a Siria. O presidente de Rusia insta a Washington a que presente ante o Consello de Seguridade da ONU as probas que manexa do suposto ataque químico.
Rajoy abre o curso político este sábado cun acto en Soutomaior ao que asistirán Núñez Feijoo e Ana Pastor, entre outros. Rajoy lanzará a mensaxe de que España está comezando a saír da crise. O pasado ano 200 afectados polas preferentes protestaron ante Rajoy e Feijoo neste mesmo acto, que marcaba o inicio da campaña para as eleccións ao Parlamento galego.
A Sociedade Galega de Historia Natural celebra este sábado o 40 aniversario da creación do seu xermolo, o Grupo Ornitolóxico Galego, creado o o 31 de agosto de 1973. Para conmemoralo, crea unha nova sección na súa web e realiza unha subida a Pena Trevinca, o cumio máis alto de Galicia.
O incendio que afecta a Navia de Suarna leva queimadas máis de 250 hectáreas nunha zona de gran valor ecolóxico, na reserva da biosfera dos Ancares
Os inspectores da ONU abandonan Siria e este sábado entregaranlle ao secretario xeral das Nacións Unidas, Ban Ki-moon. un informe preliminar das súas conclusións.
O secretario de Estado, John Kerry, comparece para xustificar os ataques militares que EE.UU. prepara contra Siria. Afirma ter probas que deixan clara a responsabilidade do réxime de Bachar el Asad no ataque con armas químicas do pasado 21 de agosto. "A historia está chea de líderes que escolleron mirar cara a outro lado e iso tivo malas consecuencias", di. E engade que "cremos na ONU e respectamos o seu traballo (...) pero dado o veto de Rusia, a ONU non vai poder liderar a respota como debería"