O PSdeG multiplica a súa precampaña e envía os seus candidatos a máis de 50 actos por todo o país. En Pedrafita a cabeza de lista por Lugo, Concepción Burgo, tivo o apoio de José Blanco, que se estrea na precampaña sinalando que "por primeira vez a dereita ten dous candidatos en Galicia" e afirmando que detecta "pulsión de cambio", a cal chamaa a concentrar nos socialistas.
Cinco activistas do Comité para a Liberación de Ceuta e Melilla chegan a nado ao illote Laila (Perejil, en castelán) e izan nel a bandeira de Marrocos. En 2002 a ocupación da illa por parte de militares marroquinos deu lugar a un dos incidentes máis lembrados do Goberno de José María Aznar.
O presentador e músico El Gran Wyoming non puido intervir onte no festival Fenerock por fortes dores estomacais que provocaron o seu ingreso no hospital Arquitecto Marcide, en Ferrol. Cóntao Público.es
O Deportivo da Coruña volve do caloroso partido contra o Granada cun 1-1 no marcador. Os de Oltra foron superiores durante todo o encontro.
O PP (@ppdegalicia) volve cargar contra o BNG (@obloque) en Twitter cuestionándoo pola política lingüística. Os nacionalistas retrúcanlles aos conservadores que eles non cometerán erros no uso do idioma.
O líder abertzale Arnaldo Otegi, aínda encarcerado, afirma nun libro-entrevista que editará Gara que, se na súa "condición de voceiro de Batasuna engadín un ápice de dor, sufrimento ou humillación ás familias das vítimas das accións armadas da ETA, quero pedirlles as miñas máis sinceras desculpas, acompañadas dun 'síntoo' de corazón"
O candidato do BNG á Xunta, Francisco Jorquera, mantén a esta hora un encontro coa veciñanza de Cambre, nun coloquio no que o acompaña a voceira parlamentaria e número dous da candidatura da Coruña, Ana Pontón. (foto: @ErmitasValencia)
Hoxe os xefes de campaña de PP e PSdeG celebran actos coa emigración galega en Europa. O popular Alfonso Rueda desprázase a Zurich e o socialista Pablo García, a Andorra.
A liga de futsal comezou con vitorias do Santiago Futsal (1-2 ante o Ríos Renovables de Navarra) e do Azkar Lugo (5-6) ante o Gáldar. Pola súa banda o Burela, na súa estrea na categoría, caeu 1-5 ante o Manacor.
A Xunta desactiva o nivel 1 no incendio que afecta a Carballeda de Valdeorras, que no serán de onte puxo vivendas en perigo