Xulio Ferreiro cre que "algo se está a facer mal en En Marea". O alcalde da Coruña considera "un erro" abandonar "o espírito de confluencia" para "apostar por unha liña máis tradicional" que "homologa" a formación cos "partidos clásicos", durante unha entrevista en Radio Galicia.
A manifestación contra a privatización da fachada marítima da Coruña percorre xa as rúas da cidade. Máis de 4.000 persoas claman contra a especulación e as intencións da Autoridade Portuaria. Toda a información, hoxe en Praza.
O Pontevedra loitará por ascender a Segunda División. O equipo granate venceu o Arandina (2-1) para garantir a súa presenza no play-off.
O cambio climático reduce nun 15% o caudal dos ríos galegos en só 20 anos. O déficit hídrico pola suba das temperaturas agrávase con secas cada vez máis habituais. Cóntao Faro de Vigo.
O Obradoiro acada a permanencia logo dunha contundente vitoria ante o Betis nun Sar ateigado (88-67).
O equipo de Macron denuncia un "pirateo masivo" de documentos internos. Ven nel un "intento de desestabilizar as eleccións presidenciais" como "xa se viu nos EUA na última campaña".
Vitorias dos tres equipos galegos no primeiro partido de play-off de ascenso á ACB. O Breogán vence nada ao Palma e o Básquet Coruña e o COB Ourense gañan fóra ao Palencia e ao Oviedo.
Máis de 187.000 avós encárganse do coidado habitual dos netos en Galicia. Un de cada catro persoas de entre 55 e 70 anos asume este labor a diario ou algunha vez por semana, segundo un estudo da Xunta.
O Concello de Sada renuncia a expropiar a casa extramuros do pazo de Meirás, propiedade dos Franco. O goberno local retira do PXOM a adquisición da vivenda.
A verificación dos avais no PSOE confirma a curta distancia entre Díaz e Sánchez. A presidenta andaluza obtén 59.390 avais válidos fronte aos 53.117 do ex-secretario xeral.
