As plataformas de afectados polas preferentes de Vigo e A Coruña poñen fin a dous anos de loita, destacando que cumpriron boa parte dos seus obxectivos ao recuperar os cartos de boa parte dos seus asociados e asociadas, destaca Faro de Vigo. Outras, coma a do Baixo Miño, seguirán adiante porque "o conflito non rematou"
A investigación da Operación Multiúsos sinala que o Concello de Porriño lle pagou 600.000 euros a unha empresa por traballos nunca realizados, pois os labores eran executados por persoal do Concello
A Asociación Empresarial Eólica afirma que o borrador de Real Decreto de enerxías renovables que, previsiblemente, aprobará este venres o Consello de Ministros contén un erro que suporá un "importante prexuízo" para o sector eólico de até 200 millóns de euros neste ano. O erro refírese á previsión de prezos do mercado eléctrico para 2014.
O Parlamento vasco aproba unha proposición non de lei de EH Bildu que proclama o dereito de Euskadi á autodeterminación
Yago Méndez, fillo do antigo director xeral de Caixa Galicia, dimite como conselleiro de Pescanova
Rubalcaba acaba por apoiar a celebración de eleccións primarias no PSOE, despois das críticas recibidas á proposta de celebrar un congreso pechado. Admite que negocia para buscar unha fórmula que lle dea voto á militancia, e confirma que se celebrarán tras o congreso extraordinario de xullo
O coordinador de Organización do PP, Alejandro Gómez, búrlase en Facebook da campaña do seu partido en Galicia e apoia as críticas a Alfonso Rueda dun ex cargo da Xunta. As publicación foron xa borradas, pero El Pais-Galicia dá conta delas.
A Audiencia Nacional condena a 12 anos a Carlos Calvo e a 6 a Xurxo Rodríguez, acusados de querer atentar contra a sede do PP en Moaña en 2012. Impútalles os delitos de pertenza a banda terrorista e tenza de explosivos
Feijóo admite agora que a corrupción tivo "un peso non menor" nas eleccións europeas. Se o mesmo domingo o presidente da Xunta atribuía a perda de 200 mil votos sufrida polo PP á "desmotivación", este mércores sinalou que "os asuntos relativos á corrupción teñen, sen dúbida ningunha, un peso non menor na decisión das persoas que votaron en branco, se abstiveron, votaron formacións inéditas ou non votaron".
O interventor do Porriño detectou irregularidades en contratos do Concello con 58 empresas cun valor total de 15 millóns. Segundo o interventor, Nelson Santos contrataba directamente e sen licitación pública servizos cun valor superior aos 18 mil euros, o que a lei prohíbe.
