Fálase

Néstor Rego, novo secretario xeral da UPG. Colle o relevo de Francisco Rodríguez á fronte da secretaría xeral do partido.

Grecia. Os primeiros inquéritos divulgados á saída das urnas dan uns resultados moi disputados, con empate técnico entre Nova Democracia e Syriza. Estes son os datos:

* Sondaxe Star Channel: ND (dereita) 27-30%, SYRIZA (nova esquerda) 26-29%, PASOK (socialdemocracia) 10-12%, Gregos Independentes 6-8%, Alba Dourada (ultradereita) 6-8%, Demócratas de Esquerda 6-7%, KKE (comunistas) 5-6%. 
* Sondaxe MegaTV: ND 27.5-30.5%, SYRIZA27-30%, PASOK 10-12%, Gregos Independentes 6-7.5%, Alba Dourada 6-7.5%, Demócratas de Esquerda 5.5-6%, KKE 5-6%.
* Sondaxe SkaiTV: SYRIZA 28%, ND 27.5%, PASOK 13%, Demócratas de Esquerda 7.5%, Gregos Independentes 7.5%, Alba Dourada 5.5%, KKE 5.5%.

As dúas primeiras son enquisas realizadas á saída das urnas. A última é unha enquisa de opinión encargada polo canal Skai. Polas 20h coñecerase unha nova rolda de inquéritos e a partir das 21:30 haberá resultados reais con porcentaxes fiables.

Lugo respira ambiente de fútbol a tres horas do comezo do primeiro partido da final polo ascenso a Segunda entre o equipo local e o Cádiz. Poderás ler a crónica do encontro en Praza.

Castellano convoca o luns na Coruña os sindicatos de Novagalicia Banco. O presidente da entidade presentaralles o plan de recapitalización enviado ao Banco de España, pero as organizacións sindicais temen máis despidos e recortes en materia laboral.

Lanzan unha granada de man contra unha sede da televisión grega Skai, durante a xornada electoral no país heleno. O artefacto, de fabricación soviética, non chegou a estoupar.

O PP perde 5,5 puntos e medio tras cinco meses e medio de Goberno, pero o PSOE tan só sobe catro décimas, segundo a enquisa de Sigma Dos que publica El Mundo e que dá  unha suba de máis de dous puntos a IU e UPyD.

Todos os medios deportivos destacan hoxe a brillante actuación do chantadino Fran Vázquez no último partido da final da Liga ACB, onde o Barcelona conquistou o título tras bater o Real Madrid (73-69).

Economía. Enric González publica unha moi interesante pequena guía financiera na revista Jot Down, explicando os conceptos básicos das finanzas públicas implicados na actual crise.

Eduardo Galeano apoia a loita contra a mina de Corcoesto. A plataforma contraria á explotación en Cabana de Bergantiños recibiu os ánimos do escritor uruguaio na súa pelexa contra un proxecto que, denuncian, será "unha bomba" para a zona.

Mundo. A ONU suspendeu onte a súa misión de mediadores en Siria debido ao aumento da violencia, que algunhas fontes non dubidan en considerar unha guerra civil. A decisión é unha tentativa de forzar Rusia, principal apoio do goberno de Bashar Al-Assad, a aceptar a necesidade dunha mediación internacional no conflito. Máis información no New York Times.