#20D Antón Gómez-Reino (En Marea) vota na Coruña nun "día fermoso, perfecto para animar á participación". O candidato apela a "expresarse democraticamente nun día moi importante para a historia deste país e tamén do Estado".
![](https://praza.gal/media/cache/live_image/xornal/uploads/falase/foto/56768c2032edf-cwqdefrwsaapxs5.jpg)
#20D Antón Gómez-Reino (En Marea) vota na Coruña nun "día fermoso, perfecto para animar á participación". O candidato apela a "expresarse democraticamente nun día moi importante para a historia deste país e tamén do Estado".
#20D O cabeza de lista do PP de Ourense, Miguel Viso, vota en Arnoia e anima a que "a xente fale nas urnas" e avalíe o xeito en que os partidos estiveron "traballando" nos últimos anos.
#20D Olalla Rodil (NÓS) vota na Ribeira de Piquín e agarda que a xornada sexa "o máis tranquila posible e vote canta máis xente, mellor". "O único que podemos pedir é que todo o mundo se achegue ás urnas", di a candidata.
Carme Adán (NÓS) vota en Vigo nun "día moi emocionante". A candidata expresou a súa confianza en que "Galiza teña voz propia para seguir a defender os intereses das galegas e galegos no Congreso" na nova lexislatura.
#20D As solicitudes de voto por correo aumentaron en case 100.000 a respecto de 2011 no conxunto do Estado, segundo datos do Ministerio do Interior
Carlos Callón (NÓS) vota en Bertamiráns e "convida a todos os galegos e galegas a acudir ás urnas" e "depositar a papeleta pensando nas súas ilusións e desexos, tanto a nivel persoal como a nivel galego".
Yolanda Díaz (En Marea) votou xa en Ferrol. A número 2 da candidatura pola Coruña animou o electorado a "pensar que hai moitos anos neste país non se podía votar e é unha sorte enorme poder facelo".
A Xunta dá por extinguido un incendio en Carballeda de Valdeorras que queimou unhas 150 hectáreas.
Oito datos sen importancia desta xornada electoral (pero que che gustará coñecer). En eldiario.es
Importantísima vaga de incendios no occidente de Asturias con máis dun cento de focos, moitos deles visibles dende A Mariña. Está a contalo a televisión pública asturiana