A xuíza que instrúe a querela arxentina contra o franquismo ordea a detención do ex ministro Rodolfo Martín Villa e doutras 19 persoas máis. Esta querela foi iniciada polo galego Darío Rivas, fillo do alcalde asasinado de Castro de Rei.
![](https://praza.gal/media/cache/live_image/xornal/uploads/falase/foto/545486c88c4fe-rodolfomartc3adnvilla.jpg)
A xuíza que instrúe a querela arxentina contra o franquismo ordea a detención do ex ministro Rodolfo Martín Villa e doutras 19 persoas máis. Esta querela foi iniciada polo galego Darío Rivas, fillo do alcalde asasinado de Castro de Rei.
El País repasa os casos de presunta corrupción que afectan ao PP galego e amosa unha nova imaxe de Feijóo na praza de touros de Pontevedra co presunto conseguidor da trama Zeta
O FROB envía á Fiscalía dúas novas operacións irregulares da antiga Novacaixagalicia por importe de 210 millóns de euros. Segundo o organismo estatal, trátase de "operacións de financiamento para a adquisición de inmobles e/ou participación en sociedades ou renegociacións de préstamos", entre outras. Estas operacións "presentan indicios de irregularidade" e "non responden a unha finalidade económica lóxica". Nos seus últimos meses as antigas caixas dispararon os créditos aos seus directivos.
O xuíz dita prisión sen fianza para Francisco Granados por "pertenza a asociación criminal".
Anticorrupción investiga o financiamento de Caixa Galicia á inmobiliaria Astroc. As operacións terían xerado un burato de 300 millóns de euros na etapa de Méndez como director xera.
Case a metade dos cataláns votaría a favor dun estado independente, segundo unha enquisa da Generalitat. O 49,4% optaría pola independencia, un 12,6% por estado propio pero non independente e case un 20% estaría en contra da separación.
ERC gañaría as eleccións catalás con seis escanos máis que CiU. Podemos entraría no Parlament e superaría a ICV ou CUP, que tamén aumentarían a súa representación. O bloque soberanista sumaría 90 deputados, dous terzos da Cámara.
Portugal reclama a 50.000 españois o impago do uso das súas peaxes. Galicia é unha das autonomías que acumula máis sancións, cuxo importe é solicitado por escrito.
O Goberno central adía a saída a Bolsa de Aena co argumento dun "defecto formal". Cóntao El Diario
Conde Roa asegura ante a xuíza da Pokémon que recibiu ameazas do irmán de Paula Prado por apostar por Ángel Currás para a alcaldía de Santiago. Cóntao La Opinión de A Coruña