O ex presidente do Goberno central, José Luis Rodríguez Zapatero, apela o PSOE a apoiar máis a Rubalcaba. Fíxoo durante un acto no que foi homenaxeado polo seu impulso ao aval legal ao matrimonio entre persoas do mesmo sexo. Cóntao El Diario
Fálase
-
O vindeiro martes o PSdeG recibirá no Parlamento a unha delegación de Compromiso por Galicia formada por Xoán Bascuas, Rafael Cuiña e Paulo Carlos López. CxG presentaralles aos socialistas a súa proposta de reforma electoral.
Joaquín Almunia sinala, nunha entrevista en Faro de Vigo, que a situación derivada do conflito do tax lease non é responsabilidade da actual Comisión Europea nin está na súa man resolvela.
El País revela que un deputado do PP e ex alcalde de Celanova figura como socio nunha construtora e non o incluíu na súa declaración de bens na Cámara.
O Celta B consumou este sábado o seu ascenso á Segunda B tras empatar a 2 co Arenas. O Deportivo B caeu por 2-0 ante El Palo nun bronco partido e non logra ascender. Hoxe será a quenda para o Compostela, que se enfronta ao Cieza ás sete da tarde.
O incendio de Caldas de Reis ficou extinguido ás catro da madrugada tras queimar 30 hectáreas de monte, segundo informa a Xunta. Como en anos anteriores, o Goberno galego non informa da totalidade de lumes e só ofrece detalles dos mesmos cando rematou a extinción.
Está a arder un incendio con dous focos en Caldas de Reis. A imaxe é da brigada do Ministerio de Agricultura con sede en Laza.
O Camp Nou de Barcelona acolle hoxe un concerto "pola liberdade" de Catalunya. Nel intervirá, xunto a artistas cataláns e doutros territorios, a galega Mercedes Peón. Vilaweb conta os detalles.
Wert teima en endurecer os requisitos para o acceso ás bolsas universitarias. "Non son unha esmola", sentenza. Recólleo El Diario.
Usuarios e usuarias de Twitter recrimínalle ao PP que asegure sen datos que o actual Goberno "dedicou máis fondos para bolsas que calquera outro goberno". Informacións baseadas nos Orzamentos Xerais do Estado, como esta de La Marea, acreditan que o actual Ministerio de Educación recortou esas axudas.