Tiro con arco. A galega Iria Grandal vén de acadar o pase para os Xogos de Londres tras o Preolímpico Europeo. Coa ferrolá, son oito os deportistas galegos confirmados para a cita británica.
Fálase
-
A Fiscalía aconsella agora aos afectados polas preferentes que contemplen a arbitraxe como solución por ser "máis rápida". Varela lembra que a demanda podería estar presentanda "nun mes", pero tamén que os prazos da Xustiza "son os que son". Os afectados xa advertiran en Praza que querían unha solución "xa" ante os alongados dos prazos.
Feijóo ve no banco público "a solución menos mala" para o futuro de NCG. Nunha entrevista a RNE, o presidente da Xunta defende tamén unha inxección de cartos públicos para a entidade galega, como a que se fixo en Bankia.
Pachi Vázquez reafírmase nas acusacións a Feijóo polo peche do exercicio económico de 2011 o 30 de setembro. O secretario xeral do PSdeG ve "moi alterado" ao presidente da Xunta, que o acusa de "mentir"
A UE denuncia a Arxentina ante a OMC por restriccións á importación logo do caso Repsol. O caso non está relacionado con YPF, pero Bruxelas actívao como represalia.
O software libre en galego ten mañá unha nova cita na Trasnada, no centro Ágora da Coruña. Aquí, toda a información.
Continúan os peches contra os recortes universitarios, desta volta na Facultade de Historia da USC. Tamén se mantén outro peche na biblioteca intercentros do campus de Lugo.
A Voz de Vilalba amosa unha galería fotográfica da recente estancia de Manu Chao na vila chairega.
A UE pode multar con 3.000 millóns de euros a España se non cumpre co déficit e non reduce o paro. Cóntao La Información.
Wert retira de Educación para a Cidadanía a alusión aos "nacionalismos excluíntes" pero mantén varios aspectos polémicos tras a Conferencia Sectorial de Educación. O consellerio Jesús Vázquez celebrou "o paso" do Goberno central ao modificar a materia.