O estradense Alejandro Marque proclamouse campión da Volta a Portugal. Marque colle o relevo do tamén galego David Blanco, vencedor nas pasadas cinco edicións dunha carreira que, desta volta, tivo na segunda posicióna o vilagarcián Gustavo Veloso. Recólleo o Portal Galego da Língua.
A figura de Avelino Pousa Antelo será lembrada hoxe ao longo de toda a xornada no Concello de Teo, onde se celebra un amplo programa de actos no primeiro cabodano do histórico galeguista.
Exipto precipítase un chisco máis cara ao conflito civil tras a detención do líder da Irmandade Musulmá. Recólleo a Cadena SER
A Xunta informa dun incendio "que podería superar as 20 hectáreas" en Catoira (foto: @cfbalseiro)
A Xunta subliña en Twitter que informa "proactivamente" de todos os incendios maiores de 20 hectáreas
O presidente da CEOE, Joan Rosell, asegura que cómpre restarlles "privilexios" aos contratos indefinidos e avoga por que as axudas a persoas en desemprego se limiten a garantirlles a supervivencia. Sentenciouno nunha entrevista en Onda Cero.
A Asociación Cultural O Galo, a Asociación Ánxel Casal e o BNG lembran a esta hora en Compostela a figura de Casal, editor e alcalde da cicdade asasinado o 17 de agosto de 1936. (foto: @ACOGalo)
O alcalde de Baralla, que xustificou os asasinatos do franquismo, acepta a celebración dun pleno extraordinario para debater a súa dimisión, como pediu a oposición municipal.
Hoxe comezou a folga indefinida do persoal de Povisa, o hospital privado concertado do que dependen máis de 100.000 pacientes do Sergas na área de Vigo. Os traballadores e traballadoras están a denunciar intentos de "boicot" á mobilización por parte da empresa.
O BNG lamenta as "prácticas caciquís" do PP na celebración de actos públicos como as Xornadas do Folclore de Celanova, "reservando cadeiras de privilexio nas primeiras fileiras a persoas afíns ao Partido Popular, pero que nada teñen que ver coa representación institucional".