Marcial Dorado branqueou millóns durante a súa amizade con Feijóo. A xustiza atribuíu a súa fortuna ao tráfico de drogas, cantidades que acumulou na época na que gozaba das vacacións co actual presidente da Xunta. Os iates nos que viaxaba o líder do PPdeG foron decomisados.
Un galego que paga pola súa herdanza 27.000 euros, pagaría 1.200 en Madrid. O contribuínte pode pagar ata 30 veces máis que noutras comunidades autónomas.
Sete mil universitarios galegos quedan sen bolsa tras a reforma de Wert. Supón unha baixada do 30% nas axudas a estudantes logo de se endurecer os requirimentos.
Carnota, Foz e Cedeira son os concellos galegos con máis vivendas baleiras, segundo conta La Voz de Galicia. 300.000 inmobles esperan ocupantes no país.
Un morto e tres policías feridos nun tiroteo nun debate sobre liberdade de expresión e Islam en Copenhague. Un ilustrador ameazado por debuxar a Mahoma estaba entre os participantes.
A AELG premia a Asociación de Medios en Galego e o CXPX nos premios de 2015 e concédelle a Letra E ao escritor Xosé María Álvarez Cáccamo. A asociación propón para o Nobel a Agustín Fernández Paz, que se une a Luz Pozo Garza e Méndez Ferrín.
O Deportivo cae (2-0) ante o Real Madrid malia ofrecer unha boa imaxe. O equipo galego plantoulle cara ao conxunto madridista e tivo varias ocasións no Bernabéu.
O embaixador francés en Dinamarca sobrevive a un tiroteo nun relatorio sobre o Islam. Hai varios policías feridos.
O apoio a Syriza aumenta en Grecia ata máis do 45% na primeira sondaxe despois das eleccións. A coalición de esquerda gobernaría por maioría absoluta se agora se celebrasen eleccións.
Pedro Armas, membro da Executiva do PSdeG, dimite para "buscar un partido de esquerda" e por "discrepancias coa liña ideolóxica" do partido, tanto a nivel estatal como local. "O PSOE deixou de ser de esquerdas en 2010", di.