Máis dun cento de persoas maniféstanse en Lugo, ao redor da muralla, en apoio dos traballadores e traballadoras de Urbaser en folga
Fálase
-
O PSOE provincial coruñés ve "grave e insólita" a "duplicación" do censo de afiliados en Santiago "xusto antes de que se abra o proceso de primarias para a elección de candidato á alcaldía".
Xa está en marcha polas rúas de Vigo a manifestación polo dereito ao aborto. Toda a información, esta tarde en Praza.
Tragsa recolleu o lixo en toda a cidade de Lugo e non só nas tres zonas declaradas de risco sanitario. Os sindicatos, que acusan o Concello de vulnerar o dereito de folga, denuncian tamén que unha delegada de UGT foi atropelada por un representante de Urbaser.
Som Escola reúne varias decenas de miles de persoas en Barcelona en defensa do modelo educativo catalán e en contra da LOMCE.
football-lab.com, unha ferramenta deseñada por investigadores de varias universidades co apoio de El Diario, ofrece prognósticos dos partidos en tempo real, grazas á incorporación de numerosas fontes de datos, a maior parte delas procedentes das casas de apostas.
Preséntase Guanyem Barcelona, a plataforma promovida por Ada Colau, "para recuperar a democracia" dende a capital catalá. Nun manifesto sinalan que "hai que afortalar o tecido social", pero de igual xeito "é chegado o tempo de reapropiarnos das institucións"
O apoio á Monarquía crece até o 51%, tras a abdicación do rei, segundo unha sondaxe que publica El Diario. Os partidarios da República son maioría nos que teñen entre 31 e 44 anos. O 53% dos votantes do PSOE optan por unha Monarquía.
Detida en León María Osorio, que se atopaba en busca e captura, condenada a sete anos de cadea acusada de pertencer a Resistencia Galega.
A Coruña acollerá o vindeiro xoves 18 unha manifestación baixo o lema “Galiza pola República e polo Dereito a Decidir”, co apoio de Anova, BNG, CxG, Equo, Espazo Ecosocialista ou Esquerda Unida, entre outros. O manifesto conxunto será lido polo escritor Manolo Rivas.