Goldman Sachs acumula carbón térmico no peirao do Musel, en Xixón, á espera de que suban os prezos. Polo de agora o broker garda alí 156 mil toneladas, pero prevé desacrgar até 600 mil, para especular con este material.
![](https://praza.gal/media/cache/live_image/xornal/uploads/falase/foto/4ff9d41ce2090-2012-07-07_img_2012-07-07_183627__8855607.jpg)
Goldman Sachs acumula carbón térmico no peirao do Musel, en Xixón, á espera de que suban os prezos. Polo de agora o broker garda alí 156 mil toneladas, pero prevé desacrgar até 600 mil, para especular con este material.
Federer derrota a Murray na final de Wimbledon (4-6, 7-5, 6-3 e 6-4) e recupera o número 1 da clasificación mundial. O escocés Murray espertara unha grande expectación no Reino Unido, por ser o primeiro británico que chegaba á final dende 1938. Tanto, que en Downing Street hoxe ondeaba a bandeira escocesa xunto á británica.
O presidente exipcio, Mohamed Morsi, desafía o exército e restablece a actividade do Parlamento, que fora paralizada polo poder militar hai unhas semanas.
Rubalcaba promete que o PSOE levará a reforma laboral ao Tribunal Constitucional porque vai "contra os dereitos básicos de os cidadáns".
O BNG pídelle á Xunta que desenvolva unha "normativa propia" que elimine o dobre pagamento farmacéutico para os pensionistas, facendo uso das competencias propias que posúe Galicia.
Carmela Silva renuncia como deputada do Congreso, a través dunha carta remitida ao secretario de Organización PSdeG-PSOE na que afirma que se centrará no traballo municipal. Silva cumpre así coa norma de un militante un cargo. A finais de xuño a Comisión Executiva Nacional Galega do PSdeG instou a dirección do partido a abrirlle un expediente a Silva por incumprir a norma de incompatibilidades defendida por Pachi Vázquez.
Israel amplía o alistamento militar obrigatorio para os seus cidadáns. Até agora estaban exentos de incorporarse ao exército os ultraortodoxos e os árabes, que agora tamén terán que facelo
Xa se pode ver en youtube a montaxe cos filmes favoritos de Agustín Fernández Paz que se proxectou o sábado pasado na homenaxe que recibiu en Vigo.
A inclusión das traballadoras domésticas no Réxime Xeral da Seguridade Social foi "un fracaso", para EconomíaDigital, que asegura que ao redor de 350 mil persoas regularizaron a súa actividade, pero que pode quedar entre medio millón e un millón sen facelo. As causas poden estar na complexidade burocrática, a falta de acordo sobre quien asume as cotas, ou na situación irregular de moitos dos traballadores.
A reforma laboral entra hoxe en vigor, despois de publicarse onte no BOE. Inclúe a indemnización de 20 días por ano traballado no caso de que a empresa teña ou espere perdas e o polémico contrato de formación.