A Casa Real traducirá por primeira vez o discurso do Rei ao galego. A web oficial colgará a mensaxe traducida ás linguas cooficiais do Estado en canto se emita por televisión e internet.
Fálase
AGE quere suprimir os "privilexios" dos deputados galegos. Así o asegura a súa vicevoceira, Yolanda Díaz, nunha entrevista á Cadena Ser, onde asegura que e "indecente" que aos parlamentarios "se lles pague o ADSL da casa".
A Xunta pagará un complemento de 200 euros a 43.000 familias con pensións non contributivas. O anuncio fíxoo Feijóo nunha entrevista a RNE.
Falece Ceferino Díaz, histórico galeguista do PSdeG, ex deputado no Parlamento galego e no Congreso. Máis información, esta tarde en Praza.
Mario Monti, disposto a ser presidente do Goberno italiano, malia non ir nas listas. Rexeita o convite de Berlusconi para liderar unha coalición de centro-dereita.
Feijóo felicita o Nadal nun vídeo onde presume dos acordos con Pemex ou da "solvencia" da comunidade autónoma, aínda que recoñece que "non se pode dicir que 2012 fose un bo ano".
A Fiscalía galega non descarta acudir ao Constitucional no caso das preferentes. Carlos Varela asegúrao nunha entrevista no Faro de Vigo que recolle Europa Press.
Mandos policiais actúan á marxe da lei contra políticos cataláns. El País acusa estes axentes de difundir acusacións sen probas para prexudicar os soberanistas.
Os Irmáns Musulmáns anuncian a vitoria do 'si' no referendo de Exipto. Os islamitas cifran a vitoria nun 64% dos votos.
Zapatero cre que "a vía emprendida por Mas é unha viaxe a ningures". Así o asegura o ex presidente do Goberno nunha entrevista en La Razón, na que recoñece que faría "algunhas cousas doutra maneira" durante a súa estancia no poder.