As enerxías renovables aforran a Europa máis cartos do que reciben en primas e subvencións, salienta eldiario.es. De 1998 a 2008 achegaron un aforro de 8000 millóns de euros anuais.
Fálase
Mercadona quere limpar a súa imaxe en Internet, despois das varias informacións negativas publicadas a pasada semana (a retirada de cosméticos e a suba anticipada do IVE), e para iso está formando os seus empregados do departamento de comunicación en estratexias das redes sociais.
Esquerda Unida da Coruña afirma que as prebendas concedidas a Fontenla por parte de PP e PSOE demostran "a coincidencia en canto ao xeito de facer e entender a política" e que tanto un coma outro "defenden a unha casta de poderosos na cidade”. A coalición de esquerdas fai referencia a unha recente sentenza da Audiencia Provincial que obriga á empresa da familia Fontenla Inversora Obelisco SA a repartir a plusvalía obtida en 2005 por importe de 16,1 millóns de euros libres de impostos, pola venta da parcela onde se construiu Espacio Coruña.
O Goberno recortará o número de beneficiarios da prestación de 400 euros para desempregados sen axudas. O Executivo non incrementará a cantidade que destina para esta partida, e a subida até 450 euros para algunhas persoas compensarase coa imposibilidade de que a reciban os mozos con pais con ingresos
Médicos do Mundo lanza unha campaña, titulada Dereito a curar, en favor da obxección de conciencia contra a exclusión sanitaria das personas migrantes en situación irregular
Imos construír un maldito museo Tesla! Seguindo esta consigna, os promotores dunha iniciativa de crowdfunding para crear un museo sobre a vida e obra do científico Nikola Tesla, inventor da corrente alterna, están a piques de acadar un millón de dolares en apenas dez días. O obxectivo era chegar aos 850 mil dólares antes do 29 de setembro, e vaise superar con creces. Trátase xa da iniciativa de crowdfunding máis exitosa da historia.
O presidente do governo regional da Madeira, o conservador Alberto João Jardim, desafía o goberno portugués a realizar un referendo sobre a autonomía da illa. Jardim esixe unha delimitación clara das competencias de Madeira, para a que pide unha autonomía total, agás en política exterior, defensa, interior, seguridade social e tribunais de recurso.
O Festival de Cans leva este xoves unha selección de curtas e clips galegos ao Festival de Douarnenez, na Bretaña. A iniciativa forma parte de Cans Itinerante, un circuíto de proxeccións que nas próximos semanas levará as curtas tamén a Ourense, Salvaterra de Miño, Vigo e Lisboa
Dez deportistas galegos participarán, a partir do vindeiro mércores, nos Xogos Paralímpicos de Londres. 5000 metros lisos, baloncesto, boccia, ciclismo, natación, tiro con arco ou tiro olímpico son algunhas das disciplinas nas que participarán. Entre eles está Chano Rodríguez, que xa suma 13 medallas entre as Olimpiadas de Sydney, Atenas e Pekín.
O Partido Socialista, cun programa de esquerda real e unha posición escéptica ante a construción europea e o mantemento do euro, lidera as enquisas das eleccións lexislativas en Holanda do 12 de setembro, que xirarán ao redor da economía e as políticas de austeridade impostas por Alemaña.