Ana Pontón cre que "Podemos e C's, como PP e PSOE, practican a política máis vella: o centralismo". Asegúrao nunha entrevista en La Opinión A Coruña e o Faro de Vigo.
![](https://praza.gal/media/cache/live_image/xornal/uploads/falase/foto/571c8578a7239-570bbedf094fe-ana-pontc3b3n-escoita-as-preguntas-dos-xornalistas.jpg)
Ana Pontón cre que "Podemos e C's, como PP e PSOE, practican a política máis vella: o centralismo". Asegúrao nunha entrevista en La Opinión A Coruña e o Faro de Vigo.
Aduanas fai agromar 112 millóns en diñeiro negro en Galicia, un terzo do total do Estado. O importe dos delitos por branqueo o ano pasado é o segundo maior desde que comezou a crise.
El Desconocido apaña 12 premios nos Mestre Mateo, que celebrou este sábado a súa gala. Toda a información, este domingo en Praza.
Vázquez Almuíña di que falar de recortes e asasinatos na hepatite C está "fóra de todo lugar". O conselleiro de Sanidade cre que "posiblemente" os pacientes terían falecido aínda que se lle subministrasen antes os medicamentos. Dio nunha entrevista en La Voz de Galicia.
O persoal do Sergas poderá traballar máis aló dos 65 anos. Sanidade dá marcha atrás nos retiros forzosos iniciados en 2013.
A Unión de Consumidores, acusación partitular no caso da hepatite C. A organización entende que os feitos investigados "afectan a un dereito tan fundamental como é o dereito á saúde e o acceso aos tratamentos axeitados"
Manuel Rivas e María do Cebreiro, Premios da Crítica en galego. O escritor foi premiado pola novela O último día de Terranova e a autora por O deserto.
Unha concentración reivindica os dereitos dos animais tras os casos das vacas mortas en varias explotacións galegas. Lamentan que se sacrificasen malia haber opcións para evitalo.
Unha concentración reclama en Compostela pasaxe segura para as persoas refuxiadas e contra o acordo UE-Turquía. Foto de Galiza ContraInfo.
A militancia de En Marea decide non apoiar o pacto PSOE-C's. Máis do 95,5% dos participantes na consulta amósanse en contra do acordo. Participou case o 50% do censo de rexistrados no espazo de confluencia. Máis información, nuns minutos en Praza.