Pola Esquerda Plural, Cayo Lara afirma que "si se pode, pero non se quere" someter a referendo a sucesión do rei. Tamén puxo en dúbida a "estabilidade" argumentada por PP e PSOE: "Estabilidade para quen? O pobo español xa está en situación de inestabilidade". Os e as deputadas do grupo de esquerdas amosaron cartaces demandando unha consulta popular.
Duran i Lleida confirma a abstención de CiU na votación, facendo "un balance positivo en termos xerais do reinado de Juan Carlos I", pero sinalando que, se ben en 1978 e durante décadas, Catalunya se sentiu integrada no Estado español, xa non o fai na actualidade. Critica a exclusión de Catalunya e do nacionalismo catalán dos consensos constitucionais.
Alfredo Pérez Rubalcaba defende o si do PSOE á lei de abdicación e afirma que "a sucesión do rei xa a votamos en 1978". Rubalcaba, ao igual que anteriormente Mariano Rajoy na súa intervención, destacou a contribución da Monarquía na "estabilidade" vivida nas últimas décadas.
O alcalde da Coruña, Carlos Negreira, ve a dimisión dun imputado como "a mellor solución" para Santiago, pero non para A Coruña, onde Julio Flores, numero dous do Concello, tamén está imputado na mesma causa.
O Concello de Amoeiro instalou as dúas primeiras placas de Memoria Histórica en dúas fontes con símbolos franquistas, das trece que colocará en todo o territorio municipal.
O padroado da Fundación Luis Seoane anuncia que recorrerá a sentenza que obriga a readmitir a Silvia Longueira como directora. Apoian "de forma unánime" o actual desponsable do centro.
Andalucía, Asturias, Canarias, Euskadi e Catalunya rexeitarán a reforma da lei do aborto este mércores na xuntanza do Consello Interterritorial de Saúde
O Congreso dos Deputados debaterá a partir das nove da mañá a lei de abdicación. PP, PSOE e UPyD votarán a favor; CiU, PNV e Coalición Canaria absteranse; Esquerda Plural e boa parte do Grupo Mixto votarán en contra.
A Asociación Eólica de Galicia (EGA) afirma que os tribunais "tumbarán" o decreto de Industria de renovables e acusa a Xunta de "non defender de forma activa os intereses do sector". Advirte do peche de moitos dos actuais parques e da inviabilidade das novas instalacións.
A muller só aparece no cinco por cento das informacións da prensa deportiva, segundo unha investigación da Universidad Carlos III, que sinala que nalgúns xornais, como Marca ou As, esta proporción mesmo se reduciu nos últimos trinta anos.