"Por que estou deixando Goldman Sachs". Un ex directivo do banco de investimento "decepcionado" co "ambiente tóxico" da empresa relata a súa experiencia. "Para colocar as coisas em termos simples, os interesses dos clientes continuam deixados de lado de uma maneira que a empresa continue a operar e pensar em ganhar dinheiro". No Exame
Fálase
Veciños da Coruña alertan da caída de cinzas levadas polo vento do nordés, posiblemente procedentes do incendio das Fragas do Eume.
O alcalde das Pontes, Valentín González Formoso, di que o incendio das Fragas do Eume está "a 100 metros das casas". A alerta de nivel 1 pode implicar evacuacións de vivendas.
A enorme columna de fume que desprende o "inmenso" lume nas Fragas do Eume chega ata Ferrol (foto: @xaime )
A Xunta decreta a alerta nivel 1 no incendio que afecta á máis de 20 hectáreas no entorno das fragas do Eume, concello coruñés da Capela, pola súa proximidade ás vivendas. Medio Rural sinala que están a traballar na zona 1 técnico, 3 axentes forestais, 3 brigadas, 2 motobombas, 5 helicópteros e 1 avión.
A axenda oficial da Xunta para este domingo ínzase de festas. O presidente asistirá á Feira do Viño de Sober, o director xeral de Relacións Institucionais e a delegada de Vigo, á Festa da Ostra de Soutomaior e a conselleira do Mar, á Festa da Filloa da Baña. Ademais, o Goberno galego volve incluír un acto relixioso nas súas actividades públicas: a delegada coruñesa, Belén do Campo, "participará na procesión da Borriquilla", informa a Xunta.
O Girona frea a xeira de triunfos do Deportivo, que vén de perder 1-0 na súa visita ao equipo catalán. Malia á derrota, os coruñeses seguen líderes da Segunda división.
Alemania escenifica o seu control sobre a zona euro valorando a folga xeral do 29M. Para seu ministro de Finanzas, Wolfgang Schäuble, a mobilización "non tivo bastante apoio como para frear as reformas e axustes emprendidos polo Goberno español". En Público.
O BNG pide a comparecencia no Congreso do ministro de Agricultura, Miguel Arias Cañete, para que "aclare" a posición do Goberno central sobre a reforma das políticas agraria e pesqueira común na Unión Europea.
A Consellería do Medio Rural asegura que este sábado só permanece activo un incendio en Galicia, dunhas 50 hectáreas no concello de Avión. A Xunta dá por extinguidos os lumes forestais de Fornelos de Montes (100 hectáreas), Entrimo (110 hectáreas), Mesía (24,6 hectáreas) e Lousame (35 hectáreas)