Constitúese a Coordinadora de ANPAs do Ribeiro e anuncia novas mobilizacións. As asociacións de Carballeda de Avia, Castrelo de Miño, Cenlle e Cortegada celebraron este sábado unha asemblea en Castrelo e a partir de agora iniciarán unha rolda de contactos con ANPAs de toda Galicia para abrir novas liñas de presión e planificar novas accións
Fálase
Proyecto Gato, a entidade viguesa de protección de animais, convoca unha concentración este luns contra o desafiuzamento das súas instalacións, que se executará en 15 días. Denuncian que 300 gatos poden ser sacrificados.
A Confederación de Sociedades Científicas de España, a Conferencia de Reitores e outras asociacións científicas remitíronlle unha carta ao Parlamento Europeo para que frene os continuos recortes nas políticas e fondos para I+D+i en España. Amazings.es analízao dicindo con ironía: "A ver se hai sorte e nos interveñen".
Alberto Garzón, deputado de IU por Málaga, denuncia nun artigo que "son os máis ricos os que viviron por riba das nosas posibilidades, posto que o seu crecente endebedamento –con motivos de especulación inmobiliaria e financeira– foi socializado polos distintos gobernos nacionais e actualmente estámolo pagando a maioría"
Rajoy e Aznar interveñen na clausura do Campus da Fundación Faes, en Navacerrada. O presidente do Goberno incide na necesidade das políticas de austeridade e afirma que "reducir o déficit público é un obxectivo nacional"
Os xornalistas de TVE rexeitan a Somoano como novo director de informativos nun referendo non vinculante. Participou o 30% dos traballadores e traballadoras, que nun 70% votaron en contra do nomeamento
Esta mañá celébrase o Consello Nacional de Compromiso x Galicia, no que se producirá a integración de membros de Acción Galega, entre eles Xosé Manuel Pérez Bouza e Teresa Táboas, e tamén de Ecogaleguistas. Máis información, esta tarde en Praza.
Estanse desenvolvendo no Pazo de Congresos de Santiago de Compostela os actos do Día do Cooperativismo Galego, no marco do Encontro Internacional Cooperativo, nos que se entregarán os premios anuais ás mellores cooperativas galegas. Máis información, esta tarde en Praza.
O Concello de Moaña declara fillo adoptivo a Manuel Méndez, "o home imprescindible". Mestre, candidato á alcaldía por Unidade Galega en 1979, un dos activistas que embarcou no Xurelo para deter os vertidos nucleares na Foxa Atlántica en 1981, voceiro da Plataforma Antipeaxe e moitas máis cousas, Méndez recolleu o agarimo unánime de todos os habitantes do concello.
EU denuncia “presións” para que Navantia non traballe con Venezuela. O deputado José Luis Centella estivo en Ferrol para coñecer a situación dos estaleiros e afirmou que os movementos de Estados Unidos puideron frustrar algún contrato nalgún momento.