Rajoy: "Feijóo é o mellor candidato para presidir a Xunta en 2016". O xefe do Executivo central quere que o actual presidente repita como candidato do PP.
Fálase
-
O Concello da Coruña carga contra a campaña da Oktober Fest, que "utiliza a imaxe da muller como reclamo sexual". A Concellería de Igualdade amosa o seu "descontento" pola publicidade do evento, que se celebra en terreos da Autoridade Portuaria.
O Concello da Coruña medita paralizar as polémicas obras da Mariña ante a falta de licenza.
Desenvólvese xa o pleno no que se prevé a moción de censura contra o alcalde do BNG en Boimorto, que fala de "fraude de lei" e acusa o PP de "amparar o transfuguismo". Máis información, hoxe en Praza.
Fernández Díaz asegura que se reuniu con Rato para tratar a súa seguridade persoal. O ministro di non entender as críticas pola súa xuntanza co ex ministro, agora imputado.
Grecia aproba cunha ampla maioría o terceiro plan de rescate. Parte de Syriza desmarcouse dun acordo ao que si se sumou a oposición (222 votos favorables, 64 en contra, 11 abstencións e 3 ausencias nunha Cámara con 300 deputados).
A LOMCE aplicarase este curso pero o Goberno central suspende as reválidas en Secundaria e Bacharelato ante a perda de poder autonómico por parte do PP o 24M.
O cerco protesta en Vigo tirando anchoa e esixe subir a cota polo menos 500 toneladas. Un cento de mariñeiros botaron fóra 300 quilos da especie.
Pemex negocia a súa saída de Barreras para vender a súa parte a China Sonangol. A empresa chinesa xa controla o 33% de Rodman, negocia por separado cos accionistas e a firma mexicana quere vender.
O BNG apoiará o alcalde de Boimorto na moción de censura que mañá prevé desaloxalo da alcaldía. O portavoz nacional, Xavier Vence, a vicepresidenta da Deputación da Coruña, Goretti Sanmartin, e a portavoz do BNG en Europa, Ana Miranda asistirán ao pleno.
