Fálase

A voceira do PSdeG-PSOE de Medio Rural no Parlamento, Sonia Verdes, critica que Núñez Feijóo visite a comarca de Valdeorras "50 horas despois do inicio" do lume que queimou 1.600 hectáreas

Denuncian que o Faro de Vigo se negou a publicar unha viñeta do humorista gráfico Davila relativa á agresión sufrida polo fotógrafo Rafa Estévez (imaxe vía @Leisoes)

O Ministerio de Educación convoca por fin as bolsas universitarias, que se poderán solicitar até o 15 de outubro. A convocatoria, publicada este martes do BOE, nunca se abrira tan tarde, e aínda que mantén o orzamento, endurece os requisitos académicos para acceder ás axudas e reduce á metade as bolsas para os alumnos repetidores.

Enrique Dans pregúntase (e conclúe que non) se se pode seguir confiando en Google, despois de que a empresa anunciase que vai penalizar nos seus resultados de búsqueda aquelas páxinas que foran obxecto de peticións de retirada de contidos polo incumprimento das leis de copyright. Dans denuncia que "hai moito tempo que Google deixou de ser un modelo de limpeza e virtude".

É moi comentada nas redes sociais a intervención, a pasada noite, de Diego Cañamero -secretario xeral do Sindicato Andaluz de Traballadores- no programa de Intereconomía El Gato al Agua, nun escenario abertamente hostil

O aeroporto de Ciudad Real, sen actividade e pechado ao tráfico aéreo, funcionará como un carísimo escenario cinematográfico. Pedro Almodóvar filmará alí algunhas escenas da súa película Los amantes pasajeros

Ao redor de 200 persoas concéntranse en Peinador en apoio de Rafael Estévez, o fotógrafo detido este luns. O xornalista vai pedir un parte médico de lesións e unha peritaxe do seu equipo de fotografía, que resultó danado durante a detención

Aumentan un 10% os sacrificios de vacas ante as dificultades creadas polo baixo prezo do leite e o elevado custe dos pensos.

A Fiscalía de Pontevedra cita como imputados por estafa pola venda de preferentes a unha vintena de empregados de NCG

Audasa aumenta os seus beneficios e a remuneración dos seus directivos, ao tempo que reduce o seu número de traballadores, informa El País. Nos dous últimos anos a empresa tivo uns beneficios de 143 millóns de euros e reduciu o seu cadro de persoal en vinte persoas.