Wert defende que é mellor dar bolsas a menos alumnos con máis rendemento que “dar axudas a voleo”. O ministro de Educación admite que se reducirá o número de estudantes con bolsa, pero non dá cifras
![](https://praza.gal/media/cache/live_image/xornal/uploads/falase/foto/521e1d68c369f-consejo-estudio-fondo-impacto-becas_ediima20130822_0349_13.jpg)
Wert defende que é mellor dar bolsas a menos alumnos con máis rendemento que “dar axudas a voleo”. O ministro de Educación admite que se reducirá o número de estudantes con bolsa, pero non dá cifras
Uns 200 bombeiros de toda Galicia manifestáronse este mércores en Compostela para pedir a homoxeneización das súas condicións de traballo.
Rafael Hernando, portavoz adxunto do PP no Congreso, equipara a bandeira republicana á bandeira franquista e afirma que “a República levou a un millón de mortos”.
A OTAN culpa o goberno de Bashar al Asad da matanza con armas químicas e afirma que "non pode quedar sen resposta". O secretario xeral da Alianza, Anders Rasmussen, sinala que "información dispoñible dun amplo abano de fontes apunta ao réxime sirio como responsable do uso de armas químicas nestes ataques".
As e os traballadores de Povisa trasladaron as súas protestas á sede da Xunta en Vigo na décima xornada de folga en defensa do convenio colectivo. Berraron consignas e lanzaron ovos reclamando a intervención da delegada autonómica no conflito laboral.
O Reino Unido presentará este mércores no Consello de Seguridade da ONU unha resolución para que condene o ataque con armas químicas "por parte de El Asad" e autorice "as medidas necesarias" para protexer "os civís sirios". A resolución será vetada por Rusia e pode que por China.
Emilio Pérez Touriño publica un artigo en El País no que amosa a súa preocupación pola situación dos partidos socialdemócratas, "dominados por burocratizados aparatos de profesionais da política que permanecen afastados das novas demandas e cambios sociais". O ex presidente da Xunta chama á socialdemocracia a un meirande compromiso coa unión política de Europa.
A maioría dos norteamericanos amósanse contrarios a unha intervención militar dos EE.UU. en Siria. Só o 9% apoiaría os ataques, un 25% se se demostra que o réxime de al-Assad empregou armas químicas, segundo unha enquisa de Reuters/Ipsos.
A páxina de The New York Times deixou de funcionar esta noite e segue tendo problemas esta mañá por mor dun ciberataque atribuído ao Exército Electrónico Sirio. Este grupo xa atacara outros medios norteamericanos e mesmo hackeou as contas de twitter dalgunhas cabeceiras.
O Ministerio de Emprego descarta a fórmula do dobre factor de sostibilidade, idea estrela do comité de sabios para recortar as pensións e tampouco recollerá os prazos para a súa aplicación. Publícao infoLibre.