O Goberno municipal da Coruña négalle aos grupos da oposición un espazo para reunirse co Comité de Empresa de Albada. A Alcaldía informou ó BNG que “los salones son para actividades de la Alcaldía y la biblioteca, para contratación”. O Grupo Municipal do BNG advirte que "o conxunto de edís da Corporación poden facer uso das instalacións para o exercicio das súas funcións correctamente". A postura de Alcaldía "viola os dereitos dos membros da Corporación como concelleiros".
Fálase
Xa é posible solicitar as bolsas de axuda para Bacharelato, FP e universidade. Para calcular a contía o Ministerio de Educación emprega unha fórmula matemática na que algúns dos termos son descoñecidos, como o número total de bolseiros e bolseiras. Recólleo a Cadena SER.
O CAB Obradoiro muda de patrocinador principal e de nome, pasando a denominarse Río Natura Monbús. O equipo de baloncesto de Santiago cambia así a Blu Sens por Leite Río, que xa foi durante anos patrocinador principal do Breogán.
Un incendio arrasa 50 hectáreas de Rede Natura en Chandrexa de Queixa. En Faro de Vigo
A Junta de Andalucía comunícalle á Xustiza evidencias de crimes do franquismo e colabora na súa investigación. En El Diario
Unha investigadora do CSIC que se dispón a emigrar para traballar na NASA escríbelle unha dura carta aberta a Mariano Rajoy. "Devólvolle as afirmacións como que España segue apostando polo I+D. Deduzo que esa aposta foi feita en Eurovegas e perdimos", di. En El País.
O Deportivo da Coruña comezará a súa participación na Copa do Rei contra o Córdoba e o Club Deportivo Lugo, contra o Mirandés. Serán a partido único e celebraranse o 11 de setembro.
O xuíz que investiga o accidente ferroviario de Santiago cita como imputado ao responsable de seguridade do treito Ourense-Compostela, segundo informa El País
O Centro Social A Cova dos Ratos, en Vigo, celebra o vindeiro sábado un "festivalinho" en apoio ao Festival da Poesía do Condado
Avogados da acusación piden que Bárcenas entregue "soportes documentais" das súas reunións cos líderes do PP. Javier Gómez de Liaño, avogado do ex tesoureiro, xa deixara caer durante o interrogatorio a Javier Arenas que tiña unha grabación do seu encontro en Sevilla a finais do 2012.