O analista Carlos Neira lanza no seu blog, Calidonia, lanza unha enquisa na Rede sobre as candidaturas cidadás nos concellos galegos. A bitácora de Carlos Neira pretende "recoller de forma sintética e cuantitativa o parecer de todas aquelas persoas preocupadas co tema" para logo elaborar un informe.
Fálase
Chévere, galardoado co Premio Nacional de Teatro. O xurado destacou a súa capacidade de transgredir xéneros e a súa vertente humorística e participativa "sempre conectada coa realidade social e económica", destacando por exemplo as súas tres obras máis recentes: Citizen, Eurozone e Ultranoite no País dos Ananos. Máis información, nuns minutos en Praza.
Ruz envía a xuízo a vinte ex cargos do PP pola Gürtel e sinala a Ana Mato como beneficiaria da trama a título lucrativo.
O Tratado de Libre Comercio entre Europa e os Estados Unidos destruiría 600.000 postos de traballo na UE, segundo unha estimación realizada polo economista Jeronim Capaldo, da Tufts University de Massachusetts. A simulación sinala que tamén se reducirían os ingresos tributarios e o produto interior bruto en todos os países europeos
O investigador Roberto Bande (IDEGA) gaña o primeiro premio do blog La Riqueza de las Regiones da Asociación Española de Ciencia Rexional (AECR). En "Por que existe un patrón espacial Norte-Sur no desemprego español?", Bande analizou as razóns que provocan que no sur de España a taxa de paro sexa maior.
Dous militantes de Galiza Nova son xulgados hoxe na Coruña por pintar un mural contra a reforma do aborto. Dani Carballada e David Neira foron multados pola Subdelegación do Goberno por unha pintada na nacional VI.
Coia celebra hoxe un acto de homenaxe a David Reboredo, falecido ao pouco de conseguir a liberdade condicional e logo de anos loitando polo indulto.
José Sócrates foi preso para evitar que destruíse probas na súa visita a Portugal desde París. Os investigadores ordenaron a detención para non perder documentación fundamental no caso.
A coalición entre Podemos e IU empataría co PP en Madrid, segundo unha enquisa para El Mundo. Ningún partido conseguiría a maioría absoluta e os apoios de PSOE e UPyD serían claves.
Hospitais manteñen pechadas camas que suprimiron no verán. Sanidade alega que non hai demanda e o persoal denuncia que os pacientes agardan o seu ingreso en Urxencias.