Unha manifestación reclamou este sábado en Verín un uso cultural e público para o Castelo de Monterrei, rexeitando os plans do Goberno galego de convertelo nun hotel de luxo. "Queremos que se lle dea un uso racional e xusto aos cartos públicos", dicía o manifesto lido ao remate da marcha.
Fálase
180 pemes forestais galegas inician este luns unha folga pola caída do prezo do eucalipto. Acusan as tres grandes papeleiras -Ence, Celvi e Portucel- de unirse para rebaixar os prezos nun 10%. Aseguran que están en risco 2.100 postos de traballo.
O PP gañaría as eleccións europeas do 25 de maio con 20-21 deputados, segundo unha enquisa que hoxe publica El Mundo. O PSOE obtería 18-19, a Esquerda Plural 6, UPyD 4, CEU 2, ERC 2 e Ciudadanos 1. PP e PSOE perderían 17 puntos, pero manteríanse por riba do 60% dos votos.
O Congreso desestima unha proposta para ofrecerlles apoio aos xogadores de fútbol homosexuais. O colectivo LGTB denuncia a homofobia nos clubes e entre os afeccionados
O Ministerio do Interior xustifica a carga policial contra a manifestación anti Lomce de Vigo do pasado 20 de novembro en que os axentes recibiron "empurróns" e "provocacións" dalgúns dos estudantes.
Ao redor dun cento de persoas participaron este sábado no roteiro polos treitos dos ríos Sarria e Celeiro que se verían afectados polo proxecto de encanamento da Confederación Hidrográfica do Miño-Sil
A contía media das bolsas universitarias baixou en 2013 por vez primeira en 15 anos. O descenso foi do 2,16% no conxunto do Estado, e en Galicia do 1,79%, uns 32 euros menos para cada estudante.
Marcos Maceira será o novo presidente da Mesa pola Normalización Lingüística, substituíndo despois de doce anos a Carlos Callón. O historiador encabeza unha candidatura única composta tamén por Mónica Pazos e Carlos Outeiro como vicepresidentes, e Susana Méndez como secretaria xeral. Maceira será elixido presidente o vindeiro 26 de abril nunha asemblea que se celebrará na Coruña. Toda a información, esta tarde en Praza.
Enrique Dans analiza en A evolución das noticias na rede as "dez razóns polas que o canon AEDE é unha barbaridade"
Internet supera por vez primeira á televisión en gasto publicitario nos EE.UU. O gasto en publicidade online creceu un 17 por cento e chegou aos 42.800 millóns de dólares