"Se Feijóo non logra a maioría e depende de C's, Galicia terá goberno". Albert Rivera, entrevistado en Faro de Vigo, afirma con rotundidade que os votos de Ciudadanos en Galicia servirán para conformar un executivo do Partido Popular
Fálase
-
O SPD repite vitoria nas eleccións de Mecklemburgo-Anteporemania, nas que a AfD, co 20% dos votos, se converteu na segunda forza, superando a CDU
De Guindos non ten "prevista" unha comparecencia expresa no Congreso para render contas polo nomeamento de Soria, pero afirma que dará explicacións se os grupos o propoñen noutra comparecencia non específica sobre o tema.
En Marea e PSdeG-PSOE critican a negativa de Feijoo a asistir a debates que non se celebren na TVG. Os socialistas denuncian que o candidato do PP "só aceptou o da canle pública porque non será un auténtico debate e xoga na casa". En Marea sinala que "Feijoo rexeita dar a cara en televisións fóra do seu control".
O PP presentou o seu programa para as eleccións do 25S. A formación promete a aprobación dunha nova Lei de Agricultura con incentivos para desenvolver a vida no rural e máis apoio aos autónomos e autónomas
En Marea presentou esta mañá a súa imaxe de campaña, facendo fincapé no obxectivo de construír "un país xusto".
Leiceaga promete convocar 3.500 prazas en educación e sanidade en catro anos se é presidente. O candidato socialista afirma que a súa primeira medida sería un plan para que 10.000 mozos e mozas poidan incorporarse cada ano ao mercado de traballo.
O BNG propón incentivos á compra de produtos locais, revitalizar mercados e acabar co TTIP. Xosé Luís Rivas, Mini, chamou na Festa do Pan de Neda a apoiar o comercio de proximidade.
Albert Rivera afirma na Coruña que "se de Ciudadanos depende, Galicia terá un goberno estable e reformista". Coincidindo co acto, no que tamén interveu Cristina Losada, a formación laranxa lanzou un vídeo no que presenta a súa candidata á Presidencia da Xunta
O Imposto de Sociedades reduciu un 86% a súa recadación entre xaneiro e xullo. O Estado ingresa xa menos cartos da actividade empresarial que das taxas especiais (luz, alcohol, tabaco ou hidrocarburos), as rendas dos non residentes, o comercio exterior e mesmo que por outras taxas e sancións. As empresas empregas as fendas existentes na lei para evitar pagar o imposto.