Rajoy advirtelles ás persoas que protestan que "as reformas continuarán cada venres”. O Presidente pechou o Congreso do PP en Madrid, que reelexiu a Esperanza Aguirre de forma unánime.
Fálase
-
A manifestación na Coruña achégase ao Obelisco, onde rematará
Comezan as manifestacións en defensa dos servizos públicos. Imaxe de Vigo (via @lobitovermello)
Calculan que, para acadar os 8 mil millóns de euros adicionais referidos polo Goberno, o IVE subirá do 18 ao 22%. Propoñen que se repercuta a rebaixa nas cotizacións aos trabajadores e se "suban de facto os salarios en lugar de abaratar os custes empresariais"
As 12 comezarán as manifestacións convocadas por CC.OO. e UGT en todas as cidades en defensa do emprego e dos servizos públicos. Na Coruña a marcha partirá da Praza da Palloza, en Vigo do cruzamento da Vía Norte con Urzáiz, en Ferrol da praza do Inferniño e en Compostela da Alameda. Haberá tamén mobilizacións en Lugo (Rolda da Muralla), Ourense (Pavillón dos Remedios), Pontevedra (Praza da Ferrería), Vilagarcía (Avenida da Mariña) e Burela (concentración ás 12.30 diante do Concello)
Achéganse as mobilización globais do 12 de maio, organizadas polos movementos de indignados e indignadas e que terán lugar en todas as cidades.
IU propón subir algúns impostos para recadar 20.000 millóns de euros máis. Entre outros, pide gravar cun 35% adicional as empresas que gañen máis dun millón de euros.
O Celta golea o Barça B (4-1) e mantense firme na loita polo ascenso, aínda que segue lonxe do Valladolid que onte tamén gañou.
La Voz de Galicia publica unha enquisa de intención de voto na que o PP subiría 3 escanos con respecto a 2009, o PSOE baixaría un (aínda que recuperaría dous escanos dende a última sondaxe deste xornal) e o BNG 2. EU triplicaría os seus votos, pero ficaría aínda lonxe do 3% necesario para acadar representación. Catro de cada dez votantes do BNG apoiarían outro partido nacionalista.
Miguel Portas, un dos fundadores do Bloco de Esquerdas, e que faleceu hai uns días vítima dun cancro, foi despedido esta tarde en Lisboa
