Rosa Quintana reúnese este mércores con cooperativas agrarias en Curtis, pero en calidade de membro do PP e non como conselleira. O encontro prodúcese tras a reunión do sector leiteiro en Madrid.
Fálase
-
O PP impide que a presidenta do Consello de Transparencia compareza no Congreso para explicar os seus orzamentos. Cóntao eldiario.es
A Policía dá por desmantelado o clan de narcos dos 'Peques'. Recólleo La Voz
O Goberno comunícalle aos gandeiros que non intervirá no prezo do leite. A ministra Isabel García Tejerina propúxolle ao sector unha serie de medidas para aliviar a crise, tras a reunión de dúas horas desta tarde. Tejerina confía en ter un acordo nos primeiros días de setembro, antes do consello de ministros extraordinario en Bruselas
Á espera de que compareza a Ministra Tejerina, tras a reunión do sector lácteo, xa transcendeu que o Goberno propón un acordo para a estabilidade do sector que afecta a toda a cadea: distribución, industria e produtores. O que se pretende con esa proposta é que o leite deixe de ser un "produto reclamo", que a industria cubra os custos de produción. Máis info en breve.
A Comisión Europea desbota un prezo mínimo para o leite. Bruxelas admitiu que existe "volatilidade de prezos" no sector lácteo. Subliña que está "ao tanto da situación difícil á que se enfrontan os produtos de diferentes sectores en varios Estados membros" pero descarta introducir un prezo mínimo para o leite, tal e como aprobou o Goberno francés.
O Congreso aproba o apoio ao terceiro rescate a Grecia nunha votación non vinculante. Formacións como o BNG ou IU votaron en contra do plan deseñado pola troika, que foi defendido polo ministro de Economía, Luis de Guindos.
A TVG sinala que Federico García Lorca "faleceu", sen mención a que foi asasinado, e suscita a polémica nas redes sociais
O escritor e académico Darío Xohán Cabana será o pregoeiro do San Froilán 2015. O nomeamento, di a alcaldesa de Lugo, Lara Méndez "obtivo o consenso de todos os grupos políticos representados na Corporación, ao tratarse dunha persoa de recoñecido prestixio que reúne sobradamente os méritos e requisitos necesarios"
O aparcadoiro do novo hospital de Vigo é de pagamento dende hoxe. A concesionaria cobrará ata 12 euros ao día e os descontos para doentes crónicos están aínda sen pechar, segundo informa Faro de Vigo.
