Vence, segundo líder político do Estado con maior porcentaxe de seguidores activos en Twitter segundo un estudo da consultora Sibilare que recolle PR Noticias. Sitúase, cun 6,6%, por tras de Pedro Sánchez (9,1%) e por diante de Pablo Iglesias (4,2%).
Roberto Rivas, o bombeiro da Coruña que se negou a participar nun desafiuzamento, recibirá o Premio Portapaz 2015, que entrega o Seminario Galego de Educación para a Paz coincidindo cos actos do Día Escolar pola Paz, o 30 de xaneiro
Rajoy participará na campaña electoral grega acudindo mañá a actos electorais de apoio á reelección do actual primeiro ministro, Antonis Samarás, para tentar contribuír así a frear o avance de Syriza.
A Xunta anuncia o inicio do período de información pública do plan de conservación da praia de Augas Santas (As Catedrais)
O PP non logra apoios para o seu plan de castigar con cárcere a consulta de webs de contido xihadista. En El Diario
A Audiencia Nacional ve probado que fixeron escala en Vigo voos con prisioneiros que Estados Unidos dirixía a Guantánamo. Recólleo La Voz
Universidades, Xunta e Goberno central rexeitan avaliar as oposicións na Deputación de Ourense. Cóntao El País
O alcalde de Vigo compara coa Fontana di Trevi o barco que pretende instalar nunha rotonda do barrio de Coia e asegura que lle "dá igual" que o párroco de Cristo da Vitoria o critique pola actitude da Policía Local contra os manifestantes. Recólleo Faro de Vigo
"Milleiros de infectados. Millóns de afectados". A Plataforma Galega de Afectados pola Hepatite C comezou a difundir unha serie de vídeos con testemuñas de enfermos, enfermas e de persoas do seu entorno para poñer de relevo que os efectos desta doenza van moito máis aló de quen directamente a sofren.
Membros do BNG e veciñanza concéntranse ante os xulgados da Coruña en solidariedade cos cinco incausados por participaren nunha manifestación durante a visita de Merkel a Santiago (imaxe do BNG da Coruña).
